له شار و شارۆچكه‌كان به ئه‌نجامدانى چه‌ند چالاكییه‌ك یادى شۆڕشى گوڵان پیرۆز كرا
به‌بۆنه‌ى یادى هه‌لگیرساندنى شۆرشى گولانى پێشكه‌وتن خواز له زۆربه‌ى شار و شارۆچكه‌كانى كوردستان ئه‌م رۆژه مێژوویه به دابه‌شكردنى هاوكارى به ئه‌نجامدانى و كۆر و سه‌مینار و چالاكى جۆراوجۆر به‌رزراگیرا .
هه‌ر د ڤى وارى ده ل شه‌نگالێ ب هه‌لكه‌تنا پێخستنا شۆرشا گولانا پێشكه‌تنخواز؛ سه‌ربه‌ست بابیرى به‌رپرسیارێ لقا هه‌ڤده یا پارتیا ده‌مۆكراتا كوردستانێ و شانده‌كه پێره سه‌رى ل نه‌خۆشخانا گشتى یا شه‌نگالێ خستن و ئالیكارى یێن دراڤى ل نۆد و یه‌ك نه‌خۆشان پارڤه‌كرن. ل ئالیێ دن هه‌ر ژبۆ پیرۆز راگرتنا سالڤه‌گه‌را شۆره‌شا گولانا پێشكه‌تنخواز؛ لیژنه یا ناوچه قه‌سرێ یا پارتیا ده‌مۆكراتا كوردستانێ سه‌میناره‌ك ژبۆ هه‌ڤال ئاسۆ به‌رپرسیارێ لیژنه‌یا ناوچه یا قه‌سرێ رێكخست و تێده بال كشاند سه‌ر گرینگى یا پێخستنا شۆرشا گولانا پێشكه‌تنخواز.
ل كه‌ركووكێ ب هه‌لكه‌تنا سیه و شه‌شه‌م سالڤه‌گه‌را پێخستنا شۆره‌شا گولانا پێشكه‌تنخواز؛ هه‌ژماره‌كه چالاكى یێن جدا هاتنه پێكانین.
هه‌ر ب هه‌مان هه‌لكه‌تنێ ل ئاكرێ ژى سه‌میناره‌ك ژبۆ سه‌ربه‌ست تروانشى به‌رپرسیارێ لقا نه‌ه یا پارتیا ده‌مۆكراتا كوردستانێ هاته رێكخستن و تێده ناڤهاتى بال كشانده سه‌ر دیرۆك و سه‌ده‌م و ئه‌نجام و بده‌ستخستى یێن شۆرشا گولانێ و ئازادى یا ئیرۆ یا هه‌رێما كوردستانێ ژى ژبۆ وێ شۆرشێ ڤه‌گه‌راند. وه‌كى دن هه‌ر ب ڤێ هه‌لكه‌تنا دیرۆكى سه‌نته‌را زانایان ژبۆ چاندا ئولى زاندۆره‌ك ژبۆ چل ماموسته یێن ئۆلى یێن ره‌واندز و ده‌ردۆر ڤه‌كر.
هه‌ر ب هه‌مان هه‌لكه‌تنێ لقا 24 یا پارتیا ده‌مۆكراتا كوردستانێ سه‌میناره‌كه خواندنا هه‌لبه‌ست و په‌یڤان ل باره‌گه‌هێ لێژنه‌یا ناوچه‌یا شه‌قلاوه یا پارتیێ هاته رێكخستن و تێده هن هه‌لبه‌ست و په‌یڤ لدۆر شۆره‌شا گولانا پێشكه‌تنخواز هاتنه خواندن.
هه‌ربه‌بۆنه‌ى 36 ساڵه‌ى هه‌ڵگیرسانى شۆرشى گوڵانى پێشكه‌ونخواز له‌ده‌ڤه‌رى شنگال ئاهه‌نگێكى جه‌ماوه‌رى سازكرا ، له‌ئاهه‌نگه‌كه‌دا ژماره‌یه‌كى به‌رچاو له به‌رپرسانى سیاسى و ئیدارى و جه‌ماوه‌رى ناوچه‌كه ئاماده‌بوون و ژماره‌یه‌ك وتاریش پێشكه‌شكران و چه‌ندین چالاكى جۆراو جۆریش ئه‌نجامدران
__2021_04_03_h23m18s5__JH.jpg)
