سیمینارێك له‌باره‌ى شۆڕشى گوڵان بۆ به‌رپرسى لقى 9 و لقی 10ى (پ.د.ك) ساز كرا

له‌ یادى شۆرشى 26ى گولانى پێشكه‌وتنخواز، له‌ ئاكرێ سمینارێك بۆ به‌رپرسى لقى نۆى پارتى دیموكراتى كوردستان رێكخرا كه‌ ژماره‌یه‌كى زۆر له‌كه‌سایه‌تى و لاوانى ده‌ڤه‌ره‌كه‌ به‌شداریان كرد . هه‌روه‌ها چه‌ندین چالاكى دیكه‌ش به‌رێوه‌چوون.

له‌لایه‌كی دیكه‌وه‌ له‌ 36ه‌مین ساڵیادى هه‌ڵگیرسانی شۆڕشى 26ی گوڵانى پێشكه‌وتنخوزدا دكتۆر عه‌لی ته‌ته‌ر به‌رپرسی لقی ده‌ى پارتی دیموكراتی كوردستان له‌ كۆڕێكدا له‌باره‌ى شۆڕشى گوڵانه‌وه‌ دواو وه‌ك وه‌رچه‌رخانێكى گرنگى بزووتنه‌وه‌ى رزگاریخوازى خه‌ڵكى كوردستانی لێكدایه‌وه‌.

به‌رپرسیارێ لقا ده‌ه باسا سه‌ده‌مێن پێخستنا شۆره‌شا گولانێ وه‌كه‌ به‌رده‌وامیدانا شۆره‌شا ئیلونێ كر و باندۆر و بده‌ستخستى یێن شۆره‌شێ ژى ژبۆ ئاماده‌بوویان شیرۆڤه‌كر و شۆره‌شا گولانێ ب یه‌ك ژ وان شۆره‌شا قه‌بولكر كو كاربوو د هه‌یامه‌كه‌ كورت ده‌ بگه‌هه‌ ئاسته‌كه‌ بهێز و باندۆرا وێ د قادا سیاسى ده‌ خویا ببه‌. د ته‌وه‌ره‌كه‌ دن یا سه‌مینارێ ده‌ رۆلا جه‌ماوه‌رى د شۆره‌شا گولانێ ده‌ به‌رچاڤكر و بال كشاند سه‌ر هاریكارى یێن وه‌لاتى یێن ده‌ڤه‌رێن جدا یێن كوردستانێ ژبۆ سه‌رخستنا شۆره‌ش و به‌شداریكرنا وان د خه‌بتینه‌كه‌ پرئالى ده‌ ژبۆ ئازادیێ و گه‌هشتن ب ئارمانجێن نه‌ته‌وى و بده‌ستخستى یێن ئیرۆ یێن كوردستانێ ژى ب خه‌بتین و قوربانیدانا وێ ده‌مێ یا پێشمه‌رگه‌ و شۆرشێن یه‌ك لپه‌ یه‌ك و هه‌روه‌ها شه‌هید و جه‌ماوه‌رى یێن كوردستانێ گرێدا.

ژلایه‌كی دیڤه‌ ب هه‌لكه‌تنا سالڤه‌گه‌را پێخستنا شۆره‌شا گولانا پێشكه‌تنخواز؛ لقا 23 یا پارتیا ده‌مۆكراتا كوردستانێ ل مه‌خموورێ ب ئاماده‌بوونا هه‌ژماره‌كه‌ مه‌زن یا پێشمه‌رگه‌یێن شۆره‌شا گولانێ رێوره‌سمه‌كه‌ تایبه‌ت پێكانى و تێده‌ هن چالاكى یێن جدا هاتنه‌ نیشاندان.