وەفدێکی باڵای کۆمەڵەی حافزئەلقورئانی تورکمان، سەردانی ئەنجومەنی سەرکردایەتی پارتی لەکەرکوک دەکات

سەرلەبەیانی ئەمڕۆ وەفدێکی باڵای ئاینی سەر بە کۆمەڵەی حافزئەلقورئانی تورکمان لە کەرکوک سەردانی بارەگای ئەنجومەنی سەرکردایەتی پارتی دیموکراتی کوردستانیان کردو لەلایەن  سەڵاح دەلۆ سەرۆکی ئەنجومەنی سەرکردایەتی و جێگر و ئەندامانی ئەنجومەن پێشوازیان لێکرا.

لەدانیشتنێکی دۆستانەدا باس لە بارودۆخی شاری کەرکوک و ئۆپەراسیۆنی دیجلە کرا.

وەفدی میوان بەناوی تورکمانی کەرکوک ناڕەزایەتی خۆیان لەبەرامبەر دامەزراندنی ئۆپەراسیۆنی دیجلە و جێگیرکردنی لەسنوری شاری کەرکوک دەربڕی و ئامادەیی خۆشیان بۆ هەر فەرمانێکی جەنابی سەرۆک مەسعود بارزانی دەربڕی.

لەو بارەیەشەوە لە نامەیەکدا کەلەبەشی عەرەبی ماڵپەڕەکەمان بڵاوکراوەتەوە ناڕەزایەتی خۆیان لەبەرامبەر هێنان و جێگیرکردنی هێزەکانی ئۆپەراسیۆنی دیجلە دەربڕیوە و بەتوندی ئیدانەی دەکەن.