فازل میرانى به‌شدارى د تازیا پێشمه‌رگه‌یێ دێرین عه‌بدوللا محو چونكى دا كر

فازل میرانى سكرتێرێ مه‌كته‌با سیاسى یا پارتى دیموكراتى كوردستان و دگه‌ل دا سه‌ربه‌ست له‌زگین به‌رپرسێ لقێ 8ێ پارتى و شانده‌كێ به‌رپرس و كادرێن پارتى ل رۆژا سێ شه‌مبى ل رێكه‌فتى 6/11/2012ێ به‌شدارى د تازیا پێشه‌رگه‌یێ دێرین و خه‌باتكه‌ر عه‌بدوللا محو چونكى دا كر ل مزگه‌فتا (الرحمن) و سه‌ره‌خوشى ل مالبات و كه‌س و كارێن خودێ ژێ رازى كرن.

پشتى خاندنا سوره‌تا (الفاتحه‌) سكرتێرێ مه‌كته‌با سیاسى سه‌ره‌خوشى ل مالباتا خودێ ژێ رازى كرن و هیڤى ژ خودایێ مه‌زن خواست جهێ ناڤبرى ب به‌هه‌شتا خویا به‌رین شاد بكه‌ت و سه‌بر و هه‌دارێ بده‌ته‌ كه‌س و كارێن ناڤبرى و دووماهى نه‌خوشى بیت بۆ مالباتا خودێ ژێ رازى .

دهێته‌ زانین كو خودێ ژێ رازى (عه‌بدوللا محو چونكى) ل سالا 1930 ل گوندى مامیسا ژ دایك بوویه‌ و ل سالا 1958ێ هاتیه‌ رێكخستن دناڤ رێزێن پارتى دیموكراتى كورستان دا ل ده‌ستپێكا شوره‌شا ئه‌یلولا مه‌زن دبیته‌ پێشمه‌رگه‌ و به‌شداریێ د شوره‌شا ئه‌یلولێ دكه‌ت و ژبه‌ر رولێ كاریگه‌ر یێ ناڤبرى چه‌ندین پله‌یێن له‌شكه‌رى وه‌رگرتینه‌ و پشتى نسكویا 1975ێ به‌رده‌وامیێ دده‌ته‌ خه‌باتا خۆ وه‌ك پێشمه‌رگه‌یه‌كێ چه‌له‌نگ دناڤ شوره‌شا گولانا پێشكه‌فتنخواز دا و ل سالا 1979ێ دبیته‌ كارگێرێ ل.ن.زاخۆ و ل ئه‌نفالێن ره‌ش ژى ئاواره‌یى وه‌لاتێ توركیا دبیت تا سالا 1991ێ ل ده‌ڤه‌را زاخۆ به‌شداریێ د سه‌رهلدانێ دكه‌ت و ل 4/11/2012 وه‌غه‌ر كریه‌.