فازڵ میرانی: پێویست بکات بە ڕێککەوتنی ستراتیژیی نێوان یەکێتی و پارتیدا دەچینەوە

 لە وتارێكیدا كە لە 14ەمین كۆنگرەی یەكیەتیی قوتابیانی كوردستاندا پێشكەشی كرد، سكرتێری مەكتەبی سیاسیی پارتی دیموكراتی كوردستان جەختی كردەوە لە پەرەدان و پتەوتركردنی ڕێككەوتنی ستراتیژیی نێوان پارتیی دیموكراتی كوردستان و یەكێتیی نیشتیمانی كوردستان، بەهێزكردنی پێوەندیی خۆیشیانی لەگەڵ كۆی حیزب و لایەنە سیاسییەكانی دیكەی هەرێمی كوردستان بە پێویست وەسف كرد.

فازڵ میرانی، هەروەها دووپاتی كردەوە كە لە ئەگەری پێویستیی پێداچوونەوە بە ئەو ڕێككەوتنە ستراتیژییەی لە نێوان پارتی دیموكراتی كوردستان و یەكێتیی نیشتیمانی كوردستاندا، هەردوو لا كار دەكەن بۆ ئەوەی بەپێی قۆناخ بیگونجێنن.

میرانی هاوكات بەهێزكردنی پێوەندیی خۆیشیانی لەگەڵ كۆی حیزب و لایەنە سیاسییەكانی دیكەی هەرێمی كوردستان بە پێویست وەسف كرد و قووڵكردنەوەی ڕۆحی تەبایی و  پێكەوەژیانی ئاشتیانەیشی لە نێوان كۆی پێكهاتەكاندا بە ستراتیژی وەسف كرد.