شاندێكی پارتی به‌شداری كۆنگره‌ی پارتی ئاشتی و دیموكراسی ده‌كات

به‌مه‌به‌ستی به‌شداریكردن له‌ كۆنگره‌ی پارتی ئاشتی و دیموكراسی شاندێكی باڵای پارتی دیموكراتی كوردستان گه‌یشته‌ ئه‌نقه‌ره‌ی پایته‌ختی توركیا.

شانده‌كه‌ی پارتی دیموكراتی كوردستان به‌ سه‌رۆكایه‌تی دكتۆر كه‌مال كه‌ركوكی ئه‌ندامی مه‌كته‌بی سیاسی و لێپرسراوی په‌یوه‌ندیه‌ گشتییه‌كان و ئه‌ندامێتی ژماره‌یه‌ك ئه‌ندامانی سه‌ركردایه‌تی پارتی به‌شداری له‌ كۆنگره‌كه‌دا ده‌كه‌ن و بڕیاره‌ وتارێك له‌به‌رده‌م ئاماده‌بووانی كۆنگره‌ پێشكه‌ش بكات و دواتر شانده‌كه‌ چه‌ندین دیدار و كۆبوونه‌وه‌ ئه‌نجام بدات.

بڕیاره‌ سبه‌ی كۆنگره‌ی پارتی ئاشتی و دیموكراسی "BDP" له‌ ئه‌نقه‌ره‌ به‌ڕێوه‌ بچێت.