نوروێژ .. شاندا تێكلیێن ده‌رڤه‌یا (پ.د.ك) هه‌ژماره‌كه‌ چاڤپێكه‌فتن و جڤینان ئه‌نجام دان

د چارچوڤا سه‌ردانا خوه‌ده‌ ژبۆ ولاتێ نوروێژێ شاندا سه‌ركردایه‌تیا پارتیا ده‌موكراتا كوردستانێ ب سه‌رۆكاتیا هێمن هه‌ورامی به‌رپرسیارێ تێكلیێن ده‌رڤه‌یا پارتیا ده‌موكراتا كوردستانێ سه‌ردانا لقا نوروێژێ یا سه‌نته‌را ئاشتیا جیهانی ئوسلویا پایته‌ختێ وی وه‌لاتی كرن و ژبال شێل ماگنه‌ بۆنده‌ڤیك سه‌رۆك وه‌زیرێ به‌رێ یێ نوروێژێ و سه‌رۆكێ وێ سه‌نته‌رێ ڤه‌ هاتنه‌ پێشوازیكرن،

د هه‌ڤدیتنه‌كێ ده‌ پرسێن ناڤبه‌را هه‌ولێر و به‌غدایێ ب گرینگی ڤه‌ هاتنه‌ گفتوگوكرن، هه‌وه‌ها به‌حسا بویه‌رێن نها یێن سوریێ و رول و مافێ كوردا د وێ چارچوڤێ ده‌ كرن، هه‌روه‌ها هه‌ر د هه‌ڤدیتنێ ده‌ ژیانا فره‌ئالی و بهه‌ڤره‌ ژیانیا ئول و نه‌ته‌وه‌یان و ره‌وشا كریستیانا ل باشور و ناڤین ئێراقێ و هاتنا وان ژبۆ كوردستانێ هاته‌ گفتوگوركرن.ژبال خوه‌ڤه‌ ئالیێن نوروێژی خوه‌سته‌كا خوه‌ ژبۆ خوتركرنا تێكلیێن ناڤبه‌را هه‌ردوو ئالیا نیشادا.

ل ئالیێ دی شاندا پارتیا ده‌موكراتا كوردستانێ ل پارله‌مێنتا نوروێژێ دگه‌ل پۆل ئارنه‌ داڤیدسن ئه‌ندامێ پارله‌مێن و به‌رپرسیارێ په‌یوه‌ندیێن پارتیا پێشكه‌تن جڤیان، تێده‌ هژماره‌كه‌ مژارێن گرینگ گرێدایی روژهلاتا ناڤین و هه‌روه‌ها ره‌وشا ئێراقێ  و پرسێن ناڤبه‌را هه‌ولێر و به‌غدایێ گرفتاریا ماده‌یا 140 یا ده‌ستورا ئێراقێ هاته‌ گفتوگوكرن.