ده‌زگه‌ها چاندى و راگه‌هاندنا (پ.د.ك)ێ شیرۆڤه‌كرنه‌ك لدور گرفتاریا گۆڤارا چرپه به‌ڵاڤكر
لدور وێ گرفتاریا كو مژاره‌كه گۆڤارا چرپه چێكریه، ده‌زگه‌ها چاندى و راگه‌هاندنا پارتیا ده‌موكراتا كوردستانێ شیرۆڤه‌كرنه‌ك به‌ڵاڤكر، كو ئه‌ڤ ژى ته‌كه‌ستا وێ یه؛ گۆڤارا چرپه، كو گۆڤاره‌كه مه‌هانه‌یا جڤاكى یا گشتیه، ل ژماره چارده یا نیسانا ساڵا دوهه‌زار و دۆزدێ ب ناڤێ ئازادیا راده‌ربڕینێ مژاره‌ك به‌ڵاڤكریه، كو د ناڤه‌رۆكا وێ ده سڤكاتى ب خودایێ مه‌زن و پێغه‌مبه‌رێ ئیسلامێ سڵاڤێن خودێ لسه‌ر بن كریه، ئه‌م ل ده‌زگه‌ها چاندى و راگه‌هاندنا پارتیا ده‌موكراتا كوردستانێ ته‌ڤى خورتیا باوه‌ریا مه ب ئازادیا رۆژنامه‌ڤانیێ، هه‌رتم ژى دگه‌ل دیتن و نه‌رینێن جوداینه ژبۆ دۆزا ره‌وایا نه‌ته‌وه‌یا مه، لێ نابه ئه‌و ئازادیا كو ب خوینێ هاتیه بده‌ست خستن ژبۆ ئێریش كرن و سڤكاتیكرن ب پیرۆزیێن ته‌ڤایا ئۆلان بێته بكارئانین.
هه‌ر ل ڤر ئه‌م داخوازێ ژ ئالیێن تێكلیدارێن هوكومه‌تا هه‌رێما كوردستانێ دكین، ژبۆ رێگرى كرنێ و دوباره نه‌بوونه‌ڤا وان ئاوایێن نڤیساران رێ و جهێن یاسایی ب كار بینن و، پێدڤیه كارمه‌ندێن گۆڤارێ ژى داخوازا لێبوورینێ ژ خوینه‌رێن خوه بكن، ژبه‌ركو پرانیا جڤاكا كوردى موسڵمانن و جهێن ئۆلى ل جه‌م وان پیرۆزه؛ هه‌روه‌ك چه‌وا ل جه‌م مه ژى پیرۆزه. جاره‌كه دن ته‌كه‌ز دكین كو ئه‌و ئاوایێن نڤیساران خزمه‌تا ئازادیا رۆژنامه‌ڤانیێ ناكه‌ن.
ده‌زگه‌ها چاندى و راگه‌هاندنا پارتیا ده‌موكراتا كوردستانێ
شه‌شى گولانا 2012ێ
__2021_04_03_h23m18s5__JH.jpg)
