سكرتێری مەكتەبی سیاسی پارتی دیموكراتی كوردستان پێشوازی لە كونسولی گشتی توركیا كرد
ئەمڕۆ لە بارەگای مەكتەبی سیاسی لە سەلاحەددین فازل میرانی سكرتێری مەكتەبی سیاسی پارتی دیموكراتی كوردستان پێشوازی لە كونسولی گشتی توركیا بەرێز (محمد اکیف انعام) و یاریدەدەرەكەی بەرێز (مصطفی تۆكر) كرد.
لە دانیشتنێكی دۆستانەدا فازل میرانی وێڕای بەخێرهێنانی میوانان باسی بارودۆخی ئێستای عێراق و ناوچەكە بەگشتی و هەرێمی كوردستان بەتایبەتی كرد.
هەروەها سكرتێری مەكتەبی سیاسی دووپاتی كردەوە كە پارتی دیموكراتی كوردستان هەردەم فاكتەری چارەسەر بووە نەك كێشە و بۆ ئەوەش قوربانی زۆری داوە، وبەردەوامیش دەبێ لە گێڕانی رۆلی كارای خۆی بەسیاسەتە حەكیمانەی سەرۆك بارزانی.
ولەلای خۆیەوە (محمد اکیف انعام) كونسولی گشتی توركیا خۆشحالی و سوپاسگوزاری خۆی دەربڕی بۆ ئەم پێشوازییەی گەرمەی كە لێیان كراوەو ئاماژەی بە رۆلی گرنگی سەرۆك بارزانی و نێچیرڤان بارزانی بۆ چارەسەركردنی كێشەكانی ناوخۆی عێراق و هەرێم و چاكتركردنی پەیوەندییەكانی هەرێمی كوردستان لەگەڵ وڵاتانی دەوروبەر بەتایبەتی كۆماری توركیا كرد.
ئەمەو هەردوولا جەختیان لەسەر بەرەوپیشتر بردنی پەیوەندییە دوو قۆڵییەكان كردەوە.
