فازل میرانی سکرتێرێ پارتی دیموكراتی كوردستان سمینارەکێ ل ئامێدیێ دگێریت
ب هەلکەفتا دەستپێکرنا هەوا پروپاگندا هەلبژارتنان رێزدار فازل میرانی سکرتێرێ پارتیا مە پارتی دیموکراتی کوردستان سمینارەک ل هولا سەنتەرێ رەوشەنبیری ل ئامێدیێ گێرا.
ب بەرهەڤبوونا هێژایان فریق فاروق بەرپرسێ لقێ ١٨ و حسێن چەلکی قایمقامێ ئامێدیێ و هژمارەکا بەرپرس و پلەدارێن میری و لەشکەری و نێزیکی هزار کادر و ئەندام ولایەنگرێن پارتی ب خولەکەک رێزگرتن بو گیانێ تەڤایا شەهیدان و سەرکاروانێ وان بارزانیێ نەمر وکاک ئیدریسێ هەردەم ساخ رێورەسمان دەستپێکر لدووڤدا بەرپرسێ لقێ پەیڤا بخێرهاتنێ پێشکێشکر.
رێزدار فازل میرانی سکرتێرێ پارتی دیمەکراتی کوردستان د سمینارا خودا لدور شورەشێن کوردی پەیڤی و ئامەژەدا شوەرشا ئیلولێ وسەرکردایەتیا بارزانیێ نەمر و ٦٧ سالێن پری خەبات و سەروەریێن پارتی ، دیسان لدوور گرنگیا هەلبژارتنان بو گەلێ مە پەیڤی و دیارکر کو گرنگیدان ب هەلبژارتنان ژبو نیشاندانا پێشکەفتن ودیموکراسی وتەناهیێ یە یا ئەڤرو ل کوردستانێ بو خەلکێ مە وعیراقێ و جیهانێ .
هەر د ڤێ سمینارێ دا ناڤهاتی ئاماژە دا پێشکەفتنا ل دەڤەرێن ژێر دەستهەلاتا پارتی دا هەر ژ دەسپێکا سەرهلدانێ .
سەبارەت لیستا ١١٠ گوت: ١١٠ یانکو هژمارا لیستا پارتی ڤێ جارێ تایبەتمەندییەک هەیە کو هەڤدەمە دگەل ١١٠ سالیادا بوونا بارزانیێ نەمر.
دەربارەی بەرنامێ لیستا ١١٠ گوت ئەو بەرنامەکێ بەرفرەهە ودەمێ ئەم دبێژین دێ پروژا چێکەین ئەم بو پارتی ناکەین بەلکو بو تەڤایا خەلکێ کوردستانێ چێدکەین .
دەربارەی سەروکاتیا حکومەتێ ئاماژە ب شیان و رولێ کاک نێچیرڤان بارزانی دان وگوت هەبوونا حکومەتەکێ ب سەروکاتیا سەروکوەزیرەکێ گەنج و ب ڤان شیانان دێ پتر خزمەتا خەلکێ کوردستانێ ب گشتی کەت ولاو گەنجان ب تایبەتی .
دەربارەی دروشمێ لیستا ١١٠ یا پارتی دیموکراتی کوردستان گوت مە گوتیە (پێکڤە بەرەف کوردستانەکا گەشتر) و لڤێرە دلسوزی وتەوازوعا پارتی دیاردبیت ، مە نە گوت ئەم چوین یان هوین ل دویف مەرا بەلکو مە دوپاتی لسەر پەیڤا (پێکڤە) کریە کو ئەڤرو کوردستان یا گەشە بەلێ پێکڤە دا گەشتر لێ بکەین، هەروەسان گوت پارتی چ جاران موغامەرە ب میللەتێ خو نەکریە و هەردەم ئەمن وئاسایش ئەولەوەیەتا بارزانی وپارتی بوویە .
دیسان بەرێزی ئاماژە ب خەبات وقوربانیدان و رولێ پێشمەرگەی دا وگوت ل دوهی وپێر بەرەڤانی دژی تەعدایێ کریە وئەڤرو بەرەڤانیێ ژ سنوران دکەت .
سەبارەت کاندیدێن پارتی گوت ب راستی دەمێ مروڤ بەرێخو دەتە بەربژێرێن پارتی مروڤ حەسویدیێ پێ دبەت کو خودانا ڤان شیان و کەفائاتا.
سەبارەت ئەرکێ وەلاتیان ل روژا هەلبژارتنان بەرێزسکرتێرێ پارتی دوپاتی لسەر گرنگییا پشکداریا هەمیان کر و دوپاتی لسەر پشکداریا ئافرەتان کر و پشکداری ب ئەرکەکێ نشتیمانی زانی ، دیسان ئاماژە دا گرنگیا هەر تاکەدەنگەکی کو دبیت سەرا دەنگەکی کاندیدەک نەدەرکەڤیت ، و خویاکر کو چەند رێژا پشکداریێ بلندتر بیت دێ سومعەتا وەلاتی خو ل جیهانێ بلندکەین دیسان باشیە بو نەتەوێ و حزبێ وکاندیدی.
