فازل میرانى : خه‌ما پارتى خزمه‌تكرن و دلخوشكرنا خه‌لكێ كوردستانێ یه
دسه‌ره‌دانا خۆ دا بۆ ده‌ڤه‌را زاخۆ، ئه‌ڤرۆ سپێدێ فازل میرانى سكرتێرێ پارتى دیموكراتى كوردستان سمیناره‌ك بۆ كادرێن لقێ 8 ل هولا باره‌گایێ لقێ پێشكێشكر.
فازل میرانى سكرتێرێ مه‌كته‌با سیاسى یا پارتى ده‌ست خوشى و سوپاسى ئاراسته‌ى كادر و پێشمه‌رگه و خه‌لكێ زاخۆ كرن ژبۆ پشته‌ڤانیكرنا وان ل لیستا پارتى و ئه‌نجام دانا رێپیڤانا زه‌ر دناڤ باژێرێ زاخۆ دا و رولێ كاریگه‌رێ خه‌لكێ زاخۆ د شوره‌شێن ئه‌یلول و گولان و سه‌رهلدانێ دا، بلند هه‌لسه‌نگاند و دیار كر ئه‌گه‌ر سه‌رژمێریه‌كا دروست بهێته كرن پتریا شه‌هیدێن به‌هدینا خه‌لكێ ده‌ڤه‌را زاخۆنه له‌ورا زاخۆ ل ده‌ف پارتى تایبه‌تمه‌ندیا خو هه‌یه.
فازل میرانى سكرتێرێ مه‌كته‌با سیاسى یا پارتى دسمینارا خودا گوت : پارتى مێژوویه‌كا پر خه‌بات و تێكوشین و قوربانیدان تومار كریه و خودان دووهى و ئه‌ڤرویه‌كا سه‌رفه‌رازه له‌وما ئه‌ڤرو ژى لیستا پارتى یا ده‌وله‌مه‌نده و دشیان دایه پارتى پاشه‌روژه‌كا گه‌شتر بۆ خه‌لكێ كوردستانێ دابین بكه‌ت و ئێك ژ نهێنیێن به‌رده‌وامیا پارتى تا نوكه ئه‌وه كو خه‌ما پارتى خزمه‌تكرن و دلخوشكرنا خه‌لكێ كوردستانێ یه ئه‌و ژى ب ئه‌نجام دانا كار و كریارێن باش.
فازل میرانى د سمینارا خۆ دا باس ل وان پێشڤه‌چوونێن ل كوردستانێ په‌یدابووین كرن و گوت: حكومه‌تا هه‌رێمێ د ماوه‌یه‌كێ كێم دا پێشڤه‌چوونه‌كا مه‌زن دهه‌مى بیاڤان دا بخوڤه دیتیه و ئه‌ڤه ژى دزڤریت بۆ سیاسه‌تا حه‌كیمانه‌یا سه‌ركردایه‌تیا پارتى و سه‌روك مه‌سعود بارزانى و نێچیرڤان بارزانى كو رولێ هه‌ره گرنگ گێرایه له‌ورا دخازین هوین ب گه‌رمى خه‌لكى ببنه سه‌ر سندوقێن ده‌نگدانێ و ده‌نگێ خو بده‌نه مێژوویا خو و شه‌هید و پاشه‌روژا خو كو ئه‌و ژى لیستا پارتى دیموكراتى كوردستانه ژماره (110).
د به‌رده‌وامیا ئاخفتنێن خودا فازل میرانى ئاماژه ب لیستا پارتى كر و گوت : لیستا پارتى پرانیا وان گه‌نج و خودان باوه‌رنامێن بلندن.
