شاندى په‌یوه‌ندییه‌كانى ده‌ره‌وه‌ى (پ.د.ك) به‌شداریى له‌ كۆنفرانسێكى نێوده‌وڵه‌تى له‌باره‌ى به‌هارى عه‌ره‌بى كرد

له‌ شارى ئیستانبول و به‌ به‌شدارى ژماره‌یه‌كى زۆر له‌ پسپۆر و سیاسه‌تمه‌دار و چالاكوانان پارتى كۆمارى گه‌ل جه‌هه‌په‌ كه‌ پارتى ئۆپۆزسیۆنى توركیایه‌ كۆنفرانسێكى نێوده‌وله‌تى فراوانى له‌باره‌ى به‌هارى عه‌ره‌بى رێكخست.

دڤى وارى ده‌ شانده‌كه‌ پارتیا ده‌مۆكراتا كوردستانێ ب سه‌رۆكاتیا هێمن هه‌ورامى به‌رپرسیارێ بیرۆیا تێكلى یێن ده‌رڤه‌ یا پارتیێ كو ب ئاواكى فه‌رمى هاتیه‌ن داوه‌تكرن به‌شداری كۆنفه‌رانسێ بوو. ده‌سپێكا كۆنفه‌رانسێ كه‌مال كلچدارئۆغلو سه‌رۆكێ جه‌هه‌پێ په‌یڤه‌ك پێشكێشكر و تێده‌ بال كشانده‌ سه‌ر وێ یه‌كێ كو نها گه‌لێ عه‌ره‌ب پێشده‌ستیا گوهه‌رتنێن مه‌زن دكه‌ و پشتگیریا پارتیا خوه‌ ژى ژبۆ ڤان گوهه‌رتنان دیاركر و د هه‌مان ده‌مێ ده‌ ده‌ستێخستنا ناڤا كاروبارێن وان وه‌لاتان ره‌ت كر.

پشتره‌ خانما ته‌وه‌كول كارمان چالاكڤانا یه‌مه‌نى كو خوه‌دیا خه‌لاتا نۆبل یا ئاشتیێ یه‌ په‌یڤه‌ك پێشكێشكر و تێده‌ بال كشاند سه‌ر به‌هارا عه‌ره‌بى و دازانین ئازادى و ژیانه‌كه‌ ب روومه‌ت هیڤى و داخوازا هه‌ر وه‌لاتیه‌كێ عه‌ره‌به‌. د چارچۆڤا گفتۆگۆیێن كۆنفه‌رانسێ ده‌ هێمن هه‌ورامى به‌رپرسیارێ تێكلى یێن ده‌رڤه‌ یێ پارتیا ده‌مۆكراتا كوردستانێ شابوونا خوه‌ ژبۆ به‌شداریكرنا كۆنفه‌رانسێ دیاركر و بهه‌ڤره‌ژیانا هه‌رێما كوردستانێ ژبۆ به‌شداران به‌رچاڤكر و خوه‌یاكر كا گه‌لێ كورد ته‌كۆشینه‌ك چه‌وا ل هه‌مبه‌ر دكتاتۆره‌كێ وه‌كه‌ سه‌دام حوسێن كریه‌. هه‌ورامى و شاندا پێره‌ هه‌روه‌ها هه‌ڤدیتنه‌كه‌ كورت ب كه‌مال كلچدارئۆغلو سه‌رۆكێ جه‌هه‌پێ ره‌ پێكانى.