فازل میرانى پێشوازى له‌ كه‌سایه‌تى سیاسى و كوردپه‌روه‌رى كوردستانى توركیا؛ كه‌مال بورقاى و به‌یره‌م بوزیه‌ل و جه‌لال یه‌لدز كرد

له‌ باره‌گاى مه‌كته‌بى سیاسى پارتى دیموكراتى كوردستان له‌ سه‌لاحه‌دین فازل میرانى سكرتێرى مه‌كته‌بى سیاسى پێشوازى له‌ كه‌سایه‌تى سیاسى و كوردپه‌روه‌رى كوردستان كه‌مال بورقاى و به‌یره‌م بوزیه‌ل سه‌رۆكى پارتى ماف و ئازادیه‌كانى توركیا و جه‌لال یه‌لدز جێگرى سه‌رۆكى پارتى ماف و ئازادیه‌كانى توركیاى كرد .

د رونشتنه‌كێ ده‌ كو ئازاد به‌روارى ئه‌ندامێ مه‌كته‌با سیاسی و ره‌مزى شه‌عبان ئه‌ندامێ یه‌ده‌ك یێ مه‌كته‌با سیاسی و ئه‌حمه‌د كانى به‌رپرسیارێ مه‌كته‌با تێكلیێن نیشتمانى و كوردستانى یێن پارتیا ده‌موكراتا كوردستانێ ئاماده‌بوون؛ میرانى بال كشانده‌ سه‌ر ره‌وشا ئیرۆ یا هه‌رێما كوردستانێ و پێشده‌چۆنێن داوى و رۆلا كه‌ساتیێ به‌رنیاس یێ كورد كه‌مال بورقاى بلد مه‌زخاند و ته‌كه‌ز كر كو كه‌مال بورقاى كه‌ساتیه‌ك كورد و نیشتمان په‌روه‌ر و ئاشتیخوازه‌ ل هه‌موو كوردستانێ رێز و حورمه‌تا خوه‌ هه‌یه‌ و د پرسێن نه‌ته‌وی ده‌ خوه‌دی ئازموون و هه‌لوێسته‌.

خویا ژى كر كو ئارمانجا پارتیا ده‌موكراتا كوردستانێ د ڤێ قۆناغێ ده‌ یه‌كخستنا ناڤمالا كورده‌ و سه‌ركردایه‌تیا پارتیێ ژبۆ پێشكێشكرنا هه‌ر هاریكاریه‌كێ ژ چاره‌سه‌ركرنا گرفتارى یێن نه‌ته‌وه‌یی یێن گه‌لێ كوردستانێ ره‌ ب رێیا ئاشتى و ده‌موكراسیێ؛ ئاماده‌یه‌. ژبال خوه‌ ڤه‌ كه‌ساتیێ نیشتمان په‌روه‌ر كه‌مال بۆرقاى سوپاسیا مه‌كته‌با سیاسی یا پارتیا ده‌مۆكراتا كوردستانێ كر ژبۆ پێشوازیا گه‌رم كو ل وى هاتیه‌ كرن و شابوونا خوه‌ ب سه‌ره‌دانا كوردستانێ نیشاندا و یه‌كریزیا گه‌لێ كوردستانێ ب زه‌روره‌ته‌كه‌ مه‌زن قه‌بولكر و هیڤى ژى خوه‌ست هه‌رێما كوردستانێ هه‌ر د پێشده‌چۆنان ده‌ به‌ و گه‌لێ كوردستانێ ژى سه‌رفه‌راز و به‌خته‌وه‌ر به‌.