پەیامی ھاوخەمیی سەرۆک بارزانی بۆ کۆچی دوایی شێخ محەمەد شاکەلی
ھەولێر-KDP.info- ئەمڕۆ پێنجشەممە، ٢٢ـی کانوونی دووەمی ٢٠٢٦، سەرۆک بارزانی پرسە و سەرەخۆشی خۆی لە بنەماڵەی وەزیری پێشووتری ئەوقاف و کاروباری ئایینی شێخ محەمەد شاکەلی کرد.
دەقی پەیامەکەی سەرۆک بارزانی.
بەناوی خودای بەخشندە و میھرەبان
بەداخێکی زۆرەوە ھەواڵی کۆچی دوایی کەسایەتیی تێکۆشەر و دیاری کوردستان و سنووری گەرمیان و وەزیری پێشووتری ئەوقاف و کاروباری ئایینی (شێخ محەممەد شاکەلی)ـمان پێ گەییشت. پرسە و سەرەخۆشیی خۆم ئاراستەی خانەوادە و کەسوکاری خوالێخۆشبوو شێخ محەمەد شاکەلی و تەواوی دۆستان و ئاشنایانیان دەکەم و خۆم بە ھاوبەشی خەمیان دەزانم.
لە خودای گەورە داواکارم ڕۆحی خوالێخۆشبوو بە بەھەشتی بەرین شاد بکات و سەبر و ئارامی بە ھەموو لایەک ببەخشێت.
انا للە و انا الیە راجعون
مسعود بارزانی
٢٢ی کانوونی دووەمی ٢٠٢٦
