ڕاگەیاندنی پارتی سەرەخۆشی لە خانەوادەی (مەحموود عەبدوڵڵا زیوەر) دەکات
ھەولێر-KDP.info- بەشی ڕۆشنبیری و ڕاگەیاندنی پارتی دیموکراتی کوردستان، بۆ کۆچی دوایی (مەحموود عەبدوڵڵا زیوەر)، پرسەنامەیەک ئاراستەی خانەوادەی ناوبراو دەکات.
دەقی پرسەنامەکەی بەشی ڕۆشنبیری و ڕاگەیاندن.
بۆ ماڵباتی (مەحموود عەبدوڵڵا زیوەر)
بە خەم و پەژارەوە ھەواڵی کۆچی دوایی مامۆستا و نووسەر، (مەحموود عەبدوڵڵا زیوەر) مان پێگەیشت، کۆچکردوو کوڕی (زیوەر)ی شاعیری ناسراو و نیشتمانپەروەری گەلەکەمانە.
بە خەمناکییەوە پرسە و سەرەخۆشیی خۆمان ئاراستەی ئێوەی ھێژا و بنەماڵە تێکۆشەرەکەتان دەکەین، ھاوبەشی خەمتانین.
لە خودای گەورە داواکارین ئارامی و دڵنەوایی بە دۆست و خزم و ھەموو لایەک ببەخشێت و گیانی کۆچکردووش بەر دلۆڤانی خۆی بخات.
بەشی ڕۆشنبیری و ڕاگەیاندنی پارتی دیموکراتی کوردستان
١٩ی نیسانی ۲۰۲٥
