ڕاگه‌یاندنی پارتی سەرەخۆشی لە خانەوادەی هەڤاڵ و هاوکارمان (موئەیەد داود یار) دەکات
ھەولێر-KDP.info- به‌شی ڕۆشنبیری و ڕاگه‌یاندنی پارتی دیموکراتی کوردستان، پرسەنامەیەک ئاراستەی خانەوادەی خوالێخۆشبوو (موئەیەد داود یار) دەکات، ئەمەی خوارەوە دەقی پرسەنامەکەیە.
بەڕێز خانەوادەی خوالێخۆشبوو (موئەیەد داود یار)
بەداخ و پەژارەیەکی زۆرەوە هەواڵی کۆچی دوایی هەڤاڵ و هاوکارمان (موئەیەد داود یار)مان بیست، بە خەمناکییەوە پرسە و سەرەخۆشیی خۆمان لە ئێوە و کەسوکار و دۆستانی دەکەین، خۆمان بە هاوبەشی خەمتان دەزانین، ئومێدەوارین دڵنەوایی و هاوخەمیی هەڤاڵ و دۆست و هاوکارانی ببێتە مایەی سەبووری و ئارامگرتنتان و لە خەم و کۆستی دیکە بە دوور بن.
به‌شی ڕۆشنبیری و ڕاگه‌یاندنی پارتی دیموکراتی کوردستان
۳۰ی حوزەیرانی ٢٠٢٤
