نێچیرڤان بارزانى، سه‌رى ساڵى ئێزدییان پیرۆز ده‌كات
جه‌ژنا سه‌رسالا ئێزدییان ل هه‌مى خوشك و برا و هه‌ڤوه‌لاتى یێن مه یێن ئێزدى ل كوردستانێ و عێراقێ و ل هه‌ر ده‌ره‌كا جیهانێ بن، ب گه‌رمى پیرۆز دكه‌م. هیڤیا ده‌ربازكرنا جه‌ژن و بێهنڤه‌دانه‌كا ئارام و ته‌نا و ساله‌كا تژى خۆشى و سه‌ركه‌فتن بۆ هه‌میا دخوازم.
د ڤێ هه‌لكه‌فتنێدا جاره‌كا دى ئه‌م هه‌مى هه‌ڤوه‌لاتى یێن مه یێن ئێزدى پشتڕاست دكه‌ین كو پشته‌ڤانیا مه و سازى یێن هه‌رێما كوردستانێ ژبۆ ماف و داخوازێن وان یێن ڕه‌وا، هه‌روه‌سا کارێ ئۆفیسا مه یێ ڕزگارکرنا ڕه‌ڤاندی یێن ئێزدی هه‌تا دووماهیێ دێ به‌رده‌وام بیت.
سه‌رسال پیرۆز بیت، هه‌رسال ب خێر و خۆشى.
نێچیرڤان بارزانى
سه‌رۆكێ هه‌رێما كوردستانێ
