د13مین ساڵیادا دامه‌زراندنا مالپه‌رێ پارتى دیموكراتى كوردستان دا, ده‌زگه‌هێن راگه‌هاندنێ ل پارێزگه‌ها دهۆكێ پیروزباهییان ئاراستە دکەن
_(6)__2024_02_28_h16m41s38__ER.jpg)
13مین ساڵیادا دامه‌زراندنا مالپه‌رێ پارتى دیموكراتى كوردستان دا, ده‌زگه‌هێن راگه‌هاندنێ ل پارێزگه‌ها دهۆكێ هه‌ر ئێك ژده‌زگه‌ه و سه‌ته‌لایتا كوردستان تیڤى و زاگروس تیڤى, دهۆك تیڤى, رۆژنامەیا ئه‌ڤرۆ, ئاژانسا خانى, پیروزباهیێن تایبه‌ت و گه‌رم ئاراسته‌ى ستاف و جه‌ماوه‌رێ مالپه‌رى دکەن و باوه‌ری و به‌رده‌وام دیفچوونا خۆ بۆ مالپه‌رى دیاردکەن.
نه‌سره‌ت هادى, رێڤه‌به‌رێ ده‌زگه‌و سه‌ته‌لایتا كوردستان تیڤى و زاگروس تیڤى ل پارێزگه‌ها دهۆكێ:
“سوشیال میدیایێ گرنگیه‌كا هه‌ره مه‌زن هه‌یه وبەربەڵاڤبوونا وێ رەنگە کارتێکرنا خۆ ل سەر تەلەفزیون ورادیو و رۆژنامەیان کربیت، لێ دگەل هندێ دا یا بێ سانسورە دڤەگوهاستنا هەواڵان دا کو رەنگە گەلەک ژوان هەواڵان دروست نەبن، لێ مالپه‌رێ فه‌رمى یێ پارتى دیموكراتى كوردستان به‌روڤاژى په‌یجێن سوشیالێ یێن ب به‌ره‌لایی و بێ سانسور كاردكه‌ن، په‌یجه‌كێ فه‌رمى یێ سوشیال میدیایێ یێ رێك و پێكه و ب هه‌مى راستگوییا میدیایی بابه‌تێن خۆ به‌ڵاڤ دكه‌ت و بوویه ئێک ژوان ژێده‌ران یێن ئه‌ڤروكه ته‌له‌فزیونێن كوردى مفایی ژێ دبینن ژبۆ ب ده‌ستڤه ئینانا نوچه و په‌یامان.”
بێوار حلمى، به‌رپرسێ بەشێ ده‌نگ وباسان ل ته‌له‌فزیونا دهۆك:
“ب هه‌لكه‌فتا ساڵیادا دامه‌زراندنێ پیروزباهییا ستافێ مالپه‌رێ پارتى دیموكراتى كوردستان دکەین و داخوازا سه‌ركه‌فتن و پێشڤه‌چوونێ دكه‌ین، وەکو ته‌له‌فزیونا دهۆك، بەشێ دەنگ و باسان، kdp.info ئێك ژژێده‌رێن مه یێن سه‌ره‌كییه یێن وه‌رگرتنا هه‌واڵان تایبه‌ت وان هه‌واڵێن گرێدایی پارتێن سیاسی و مه‌كته‌با سیاسى و سه‌ركردایه‌تییا پارتى و هه‌والێن گرێدایی حكومه‌تا هه‌رێما کوردستانێ و عیراقێ و حکومەتێن جیهانێ، ژبه‌ركو پەیامێن باوەرپێکری یێن حکومەتی نە و لێدوانێن به‌پرسێن حکومەتێ وەردگریت ودگەل هندێ دا هەمە جوریێ بخۆڤە دبینیت و ب خۆش حالیڤە گرنگیێ ددەتە هەواڵێن هەمی دەڤەرێن کوردستانێ ب تایبەتی پارێزگەها دهۆکێ بێ بار نەکرییە، و دگەل دا ب رێنڤیسه‌ك باش و له‌زاتى و گرافیك و زمانێن جودا هەوالێن خۆ بەڵاڤ دکەت، دووبارە ده‌ستخۆشیێ ل هه‌وه دكه‌ین كاره‌كێ ئه‌كادمى و پێشچاڤە هیڤیدارین به‌رده‌وام بن.”
فازل عومه‌ر، سەرنڤیسەرێ رۆژنامەیا ئەڤرۆ:
“سالیادا دامه‌زراندنا مالپه‌رێ پارتى دیموكراتى كوردستان پیروزه ب هێڤییا ساڵێن بهێت به‌رده‌وام پێشڤه‌چوونێ نیشتیمان په‌روه‌رانە ل سه‌ر رێبازا پارتی دیموکراتی کوردستان رێبازا پاشه‌روژێ بخۆڤە ببینن، ل ساڵێن پێشتر وه‌كو خوێنده‌ڤانه‌ك و میدیاكاره‌ك کو دیفچوونا مالپه‌رى كرى مالپه‌رەک گرێدای ره‌وشت و رێبازا پارتی یە، گرێدای ڤه‌گوهاستنا راستیێ و به‌رژه‌وه‌ندییا گشتى بوون دویر ژخۆ دیاركرن و زراندنا خه‌لكێ، شیاینە ببن ژێده‌ره‌ك راستگو یێ ده‌نگ و باس و نوچه‌یان و دیمه‌نه‌كێ راسته‌قینه یێ ڤى وه‌لاتى، ب هێڤییا وێ چەندێ به‌رده‌وام بن ل سه‌ر ڤێ رێبازێ تایبه‌ت كو سه‌رده‌مێ سوشیال میدیا و تەکنولوجیایێ یە.
رێبه‌ر فه‌تاح، رێڤەبەرێ ئاژانسا خانی:
“پیروزباهى ب هه‌لكه‌فتا ساڵیادا دامەزراندنا مالپەرێ پارتی دیموکراتی کوردستان، وه‌ك مالپه‌رێ زمان حالێ پارتى شیایه دناڤ گێله‌شوكا راگه‌هاندنا نوى و ته‌كنولوجیایێ دا، سه‌نگ و باوه‌ریا خۆ دیاربكه‌ت چونکە هه‌ڤسه‌نگییه‌ك دناڤ به‌را له‌زاتى و راستگویێ دا په‌یدا كرییه و بومه جهێ رێزێ یه چونكه دنوكه دا نوچه‌یێن نه دروست زورن لێ هەر هەواڵەک تایبەت هەوالێن گرێدایی سەرکردایەتییا پارتی دەمێ ل مالپەری دهێتە خوار جهێ باوەریێ یە، دیسان ستاف ب ره‌نگه‌ك جوان كار دكه‌ت وه‌كو شێوازێ نڤیسین و دیزاینكرنێ، بهێڤییا پتر پێشڤه‌چونێ.
سەجا شێرزاد-دهۆک
