سه‌رۆكى حكوومه‌ت پێشوازی لە كونسوڵى گشتیى نوێى فه‌رەنسا كرد
ھەولێر-KDP.info- ئه‌مڕۆ چوارشەممە، مەسروور بارزانى، سه‌رۆكى حكوومه‌تى هه‌رێمى كوردستان، پێشوازی له یان برێم كونسوڵى گشتیى نوێى فه‌رەنسا له هه‌رێمى كوردستان کرد.
سەرۆکی حکوومەت، پیرۆزبایی لە کونسوڵی گشتی کرد بە بۆنەی دەستبەکاربوونی و هیواى سه‌ركه‌وتنى بۆ خواست و پشتیوانیی حکوومەتی هەرێمی کوردستانی لە پێناو بەرەوپێشبردنی زیاتری پەیوەندیى دوولایەنە دەربڕی.
كونسوڵى گشتیى فەرەنسا، ئاماژەی بەوە دا کە هەرێمی کوردستان پێگەیەکی گرنگ و تایبەتی لای سەرۆک و خەڵکی فەڕەنسا بەگشتی هەیە و خواستی وڵاتەکەشی بۆ پەرەپێدانی پەیوەندییەکان لەگەڵ هەرێمی کوردستان لە بوارە جۆراوجۆرەکاندا دووپات کردەوە.
تاوتوێکردنی دوایین پێشهات و گۆڕانکارییەکانی عێراق و ناوچەکە، بەشێکی دیکەی دیدارەکە بوو.
