مەکتەبی سیاسی سەرەخۆشی لە خانەوادەی پاکیزە محەمەد دەکات
هەولێر-KDP.info- مەکتەبی سیاسیی پارتی دیموکراتی کوردستان، سەرەخۆشی لە خانەوادەی خوالێخۆشبوو خاتوو (پاکیزە محەمەد سەعید) دەکات، ئەمەی خوارەوە دەقەکەیەتی:
بەڕێز/ خانەوادەی خوالێخۆشبوو خاتوو (پاکیزە محەمەد سەعید)، بە داخ و پەژارەیەکی زۆرەوە هەواڵی کۆچی دوایی خاتوو (پاکیزە محەمەد سەعید)مان بیست.
بە خەمناکییەوە پرسە و سەرەخۆشیی خۆمان ئاڕاستەی ئێوە و کەسوکار و بنەماڵە بەڕێزەکەتان دەکەین، خۆمان بە هاوبەشی خەمتان دەزانین. ئومێدەوارین دڵنەوایی و هاوخەمیی دۆست و ئازیزانتان ببێتە مایەی سەبووری و ئارامگرتنتان و لە خەم و نیگەرانیتان کەم بکاتەوە و لە خوای گەورەش داواکارین خوالێخۆشبوو بە بەهەشتی بەرین شاد بکات و ئێوەش لە کۆستی دیکە بەدوور بگرێت.
مەکتەبی سیاسیی پارتی دیموکراتی کوردستان
٢٤ی تشرینی یەکەمی٢٠٢٣
