ژهەرێما کوردستانێ وعیراقێ، دهۆک ژبۆ ڤەکرنا پێشانگەها مسری دهێتە هەلبژارتن

45 كومپانیێن مسرى و 7 كومپانیێن كوردستانێ وعیراقێ دپێشانگه‌ها مسرى یا پارێزگه‌ها دهۆكێ دا پشكدارى كرییه‌, كو پشتى بورینا 6 ساڵان, دوه‌مین جاره‌ ئه‌ڤ پێشانگه‌ه ل دهۆكێ دهێته‌ ڤه‌كرن, و هه‌تا نوكه‌ زێده‌ترى 6 هزار كه‌سان سه‌ره‌دان كرییه‌,

دپێشانگه‌هێ دا, كه‌ل و په‌ل و (ئكسسواراتێن) مسرى تایبه‌ت یێن كه‌ڤنار كو ب شێوه‌یه‌ك سه‌رده‌مانه‌ و هونه‌رى ب ده‌ستى هاتینه‌ دروستكرن دهێنه‌ پێشاندان, هه‌روه‌سا جل و به‌رگێن 100% ب په‌مبى هاتینه‌ دروستكرن ل پێشانگه‌هێ دهێنه‌ فروتن چونكه‌ وه‌ڵاتێ میسرێ ب به‌رهه‌م ئینانا په‌مبى یا ب ناڤ و ده‌نگه‌.

پێشانگه‌ه ل هولا ئوسكار ل سه‌نته‌رێ پاژێرێ دهۆكێ هاتییه‌ ڤه‌كرن و پارێزگارێ دهۆكێ عه‌لى ته‌ته‌ر ئه‌گه‌رێ هه‌لبژارتنا پارێزگه‌ها دهۆكێ بۆ ڤه‌كرنا پێشانگه‌هێ ژبۆ راگه‌هاندنێ دیاركر و گوت: "دهۆك جهه‌ك ستراتیجى یێ گرنگه‌ نه‌ ب تنێ بۆ هه‌رێما كوردستانێ به‌لكو بۆ عیراقێ و وه‌لاتێن جیران ژى, و پارێزگه‌هه‌ك هێمنه‌ و خودان كولتوره‌كێ ره‌سه‌نه‌ و په‌یوه‌ندیێن كورد و میسرییان ژمێژه‌ خورتن"

و زێده‌كر: "داخوازامه‌ ئه‌وه‌ ئه‌م مفایى ژته‌كتولوجیا و كه‌رستێن نوى یێن كارى وه‌رگرین تایبه‌ت ژكه‌سێن هونه‌ر دوست و پیشه‌كار دخوازین كولتورێ مه‌ یێ كوردى یێ ره‌سه‌ن ب شێوازه‌ك جوان و سه‌رنج راكێش بۆ وه‌ڵاتێن بیانى پیشان بده‌ن"

پێشانگه‌ه ب به‌رده‌وامییا 12 رۆژان ل سه‌ر ئێك هاتییه‌ ڤه‌كرن, و ئه‌ڤرۆ سێ رۆژ ب سه‌ر ده‌ربازبوون, و رۆژانه‌  هه‌ر ژده‌مژمێر 3ى پشتى نیڤرۆ هه‌تا 11ى شه‌ڤێ دهێته‌ ڤه‌كرن و رۆژانه‌ زێده‌ترى 2000 كه‌سان سه‌ره‌دانێ دكه‌ن, و ب گور گوتنا راگه‌هاندنا پێشانگه‌هێ, دوكاندار و پیشه‌كارێن مسرى گه‌له‌ك ژبرێڤه‌برنا پێشانگه‌هێ درازینه‌ و رێژه‌یه‌ك باش یا كه‌رستێن خۆ پیشانداینه‌ و فروتینه‌ و ئه‌و دخوازن ئه‌ڤ جوره‌ پێشانگه‌هه‌ زێده‌تر لێ بهێن.

سه‌جا شێرزاد-دهۆك