Serok Barzanî ligel kesayetiyên gundên nû azadkirî yên Kakeiyan civiya
Hewlêr-KDP.info- Di civîna xwe de ligel Serokê Herêma Kurdistanê Mesûd
Barzanî, kesayetî û nûnerên gundên nû azadkirî yên Kakeiyan spasî Serok
Barzanî û hêzên Pêşmergeyên Kurdistanê kir ku mezargeh û cihên pîroz û
gundên wan li bin destê terorîstên DAIŞê azad kirine û pêzanînên xwe ji bo
qehremanî û qurbanîdana Pêşmerge hebû. Her wiha daxwaz kirin ku gund û
navçeyên wan ji mîn û teqemenî û paşmayên têkderaneya terorîstan bê
paqij kirin û xizmetguzariyên pêwîst jî bigihe navçeyên nû azadkirî.
Roja yekşem 03.07.2016 li Selahedîn Mesûd Barzanî Serokê Herêma
Kurdistanê pêşwaziya hejmarek kesayetî û rihspî û nûnerên gundên nû
azadkiriyên Kakeiyan yên li sînora mîhwera Xazir civiya.
Li hevdîtinê de şanda mîhvan spasî Serok Barzanî û hêzên Pêşmergeyên
Kurdistanê kir ku mezargeh û cihên pîroz û gundên wan li bin destê
terorîstên DAIŞê azad kirine û pêzanînên xwe ji bo qehremanî û
qurbanîdana Pêşmerge hebû. Her wiha daxwaz kirin ku gund û navçeyên
wan ji mîn û teqemenî û paşmayên têkderaneya terorîstan bê paqij kirin û
xizmetguzariyên pêwîst jî bigihe navçeyên nû azadkirî.
Li beşekî dinê civînê de Serok Barzanî li gotarek de balkişand li ser wê yekê
ku xuşk û birayên Kakeiyan beşekî azîz û taybetiyê gelê Kurdin û roleke wan
ya ber bi çav li xebat û şoreşa gelê xwe da heye.
Her wiha ronahî xiste li ser dirindeyî ya terorîstên DAIŞê û ew êş û
kavilkariya li encama êrîşa terorîstan li ser xelkê navçeyê da hatiye û
ragihand ku cihê şanazî ya gelê Kurdistanê ye ku efsaneya DAIŞê li ser destê
hêzên Pêşmergeyên Kurdistanê hate têkşikandin û amadebûyan ji wê yekê
dilniya kir ku hemû navçeyên wan yên li bin destê DAIŞê de bêne azad kirin
û dê bextewerî û xweşguzeranî û xizmetguzarî jî nigihe navçeyên nû azadkirî
û tekez jî li wê yekê kir ku piştevaniya tevahiya daxwazên xuşk û birayên
Kakeiyan ji bo eweye bikarin bi azadî û serbilindî vegerin ser navçe û
gundên xwe û giriftên wan bêne çareser kirin.
