پرسەنامەی مەکتەبی سیاسی پارتی بۆ کۆچی دوایی خوالێخۆشبوو عەتیە پیرۆت ئەحمەد
ھەولێر-KDP.info- مەکتەبی سیاسیی پارتی دیموکراتی کوردستان پرسەنامەیەک ئاراستەی خانەوادەی بەڕێز حاجی رەسووڵ و خانەوادەی خوالێخۆشبوو عەتیە پیرۆت ئەحمەد دەکات.
بەناوی خوای بەخشندە و میھرەبان
بەڕێز حاجی رەسووڵ و خانەوادەی خوالێخۆشبوو (عەتیە پیرۆت ئەحمەد)، بە داخ و پەژارەیەکی زۆرەوە ھەواڵی کۆچی دوایی ھاوژینی بەڕێزتان خوالێخۆشبوو(عەتیە پیرۆت ئەحمەد)مان بیست، بەو بۆنە خەمناکەوە پرسەو سەرەخۆشی خۆمان ئاراستەی ئێوەی بەڕێز و کەسوکاری خوالێخۆشبوو دەکەین، خۆمان بە شەریکی خەمتان دەزانین.
ئومێدەوارین دڵنەوایی و ھاوخەمی ھەڤاڵان و دۆست و ئازیزانی ببێتە مایەی سەبووری و ئارامگرتنتان و لە خەم و خەفەتتان کەم بکاتەوە.
داواکارین لە خوای گەورە خوالێخۆشبوو بە بەھەشتی بەرین شاد بکات و ئێوەش لە خەم و خەفەت و کۆستی دیکە بەدوور بن.
مەکتەبی سیاسی پارتی دیموکراتی کوردستان
٢٠٢٣/٨/٥
