پارتی پەیامی ھاوخەمی ئاڕاستەی خانەوادەی عەبدولسەلام بایەزید و تەھا سۆفی دەکات
ھەولێر-KDP.info- مەکتەبی سیاسیی پارتی دیموکراتی کوردستان پرسەنامە ئاڕاستەی خانەوادەی ھەڤاڵی خوالێخۆشبوو عەبدولسەلام بایەزید و خانەوادەی خوالێخۆشبوو تەھا سۆفی برای ھەڤاڵی کۆچکردوو دکتۆر فەرسەت سۆفی دەکات.
بەناوی خوای بەخشندە و میھرەبان
بەڕێزان خانەوادەی ھەڤاڵی خوالێخۆشبوو (عەبدولسەلام بایەزید)
بەداخ و پەژارەیەکی زۆرەوە ھەواڵی کۆچی دوایی کەسایەتی نیشتمانپەروەر و پێشمەرگەی شۆڕشی گوڵان، کادیری تێکۆشەر و دڵسۆزی پارتی و ڕێبازی بارزانی، خوالێخۆشبوو ھەڤاڵ (عەبدولسەلام بایەزید) کارگێڕی لقی یەک_ی پارتیمان پێگەیشت.
بەم بۆنە خەمناکەوە پرسە و سەرەخۆشیی خۆمان ئاڕاستەی خانەوادە کوردپەروەر و تێکۆشەرەکەتان و گشت خزم و دۆست و ئاشنایانی خوالێخۆشبوو و، سەرجەم ھەڤاڵ و کادیرانی پارتیمان لە سنووری لقی یەک و دەڤەری دھۆک دەکەین و، خۆمان بە ھاوبەشی خەمتان دەزانین.
لە خودای گەورە داواکارین سەبووری و دڵنەوایی بە بنەماڵەکەتان و بە ھەموولایەک پێببەخشێت و گیانی ھەڤاڵی کۆچکردوویشمان بەر رەحمەتی خۆی بخات و بە بەھەشتی بەرینی شاد بکات.
انا للە و انا الیە راجعون
مەکتەبی سیاسیی پارتی دیموکراتی کوردستان
——————————
بەڕێزان خانەوادەی خوالێخۆشبوو (تەھا سۆفی)
بەدڵگرانییەکی زۆرەوە ھەواڵی کۆچی دوایی کەسایەتی دەڤەری باڵەکایەتی و برای ھەڤاڵی کۆچکردوومان (دکتۆر فەرسەت سۆفی)، خوالێخۆشبوو (تەھا سۆفی گەزنەیی)مان بیست.
بەم بۆنە خەمناکەوە سەرەخۆشیی خۆمان ئاڕاستەی خانەوادە سەربەرز و بەڕێزەکەتان و گشت خزم و دۆست و ئاشنایانتان دەکەین و، خۆمان بە ھاوبەشی خەمتان دەزانین.
لە خودای گەورە داواکارین دڵنەواییتان پێببەخشێت و گیانی خوالێخۆشبوویش بەر رەحمەتی خۆی بخات و بە بەھەشتی بەرینی شاد بکات.
انا للە و انا الیە راجعون
مەکتەبی سیاسیی پارتی دیموکراتی کوردستان
