فیستەڤالا لالش یا رەوشەنبیری یا سالانە ل دهۆکێ هاتە گێڕان
دهۆک-KDP.info- ب پشتەڤانیا سەرۆکێ حکومەتا هەرێما کوردستانێ ل ژێر دروشمێ (فلكلۆرێ مه ناڤ و نیشانێ ره‌سه‌نایه‌تیا مه‌یه) ئەڤرۆ رۆژا 6/7/2023 فیستەڤالا لالش یا رەوشەنبیری ب ئامادەبوونا ژمارەکا کەسایەتیێن ئولی و حکومی و لەشکری و حزبی یێن دەڤەرێ ل هۆلا کۆنفرانسان ل زانکۆیا دهۆک هاتە گێڕان.
ماجد سەید سالح، نوونەرێ پارێزگارێ دهۆکێ پشتی بخێرهاتنا مێهڤانان کری د پەیڤەکێ دا خوەشحالیا خوە بۆ گێڕانا فیستەڤالا سالانە یا بنگەهێ لالش یێ رەوشەنبیری و جڤاکی دیارکر و دەستخوەشی ل دەستەیا بلندا بنگەهێ ناڤهاتی کر و گۆت: "حکومەتا هەرێما کوردستانێ گرنگیەکا مەزن ب چاند و هونه‌ر و فلكلۆری دایە ژ بەر کو خالێن گرنگێن هەر مللەتەکینە".
ناڤهاتی ئاماژە دا وێ چەندێ کو جهێ شانازیێ یه ملله‌تێ مه یێ ئێزدی پشتی چه‌ندین فه‌رمان و كاودانێن سه‌خت بسه‌ردا هاتین شیایه كه‌لتۆرێ خوه ب پارێزیت و گۆت: "پێدڤیه پێكڤه پشته‌ڤانێن گوتارا یه‌كگرتی و سێكته‌رێن پێكڤه‌ژیانێ بین، ژ بەر کو وەلات یێ مە هەموویانە".
هەر چارچۆڤێ گێڕانا فیستەڤالا ناڤهاتی دا چەندین بڕگێن هونەری هاتنە ئەنجامدان، د هەمان دەم دا خەلاتێن فیستەڤالێ هاتنە پێشکێشکرن.
رێوار محەمەد رەشید
