بەم نزیکانە دەست بە چاککردنی ڕێگای مووسڵ.بەردەڕەش دەکرێت

مووسڵ -KDP.info-  نوێنەرێکی پارێزگای مووسڵ لە پەرلەمانی عێراق ئاشکرایکرد ، هەموو ڕێکارەکانی چاککردنی  ڕێگای (مووسڵ _ بەردەڕەش) تەواو بوونە، لەم دوو ڕۆژە دەست بەچاککردنی دەکرێت.

شێروان دووبەردانی، ئەندامی پەرلەمانی عێراق لە فراکسیۆنی پارتی دیموکراتی کوردستان، بۆ ماڵپەڕی فەرمیی پارتی دیموکراتی کوردستان گوتی: بڕیاری کۆتایی بۆ چاککردنی ڕێگای (مووسڵ _ بەردەڕەش) دراوە ، کە لە  تەحریرەوە تا مەندان پێویستی بە چاککردنە، درێژیەکەی 22.5کم دەبێت،  دووملیار و513ملیۆن و 140هەزار دیناری بۆ تەرخان کراوە و پێویستە لەماوە 150 ڕۆژدا تەواو بکرێت.

شێروان دووبەردانی گوتیشی: پڕۆژەکە دراوەتە کۆمپانیا و ڕێکارەکانی تەواوبوونە و لەم دوو ڕۆژە دەست بەچاککردنی ڕێگاکە دەکرێت.

بڵند ئیبراهیم