پارتی دیموکراتی کوردستان و بەرەی تورکمانی جەخت لە پاراستنی مافی پێکهاتەکان دەکەنەوە
هەولێر-KDP.info- شاندێکی پارتی دیموکراتی کوردستان، سەردانی بەرەی تورکمانی کرد و، لەلایەن ئەندامێکی مەکتەبی سیاسی و بەشێکی سەرکردایەتییان پێشوازی کران.
ئەمڕۆ هەینی، لە چوارچێوەی سەردانی هێز و لایەنە سیاسییەکان، بە سەرۆکایەتی فازڵ میرانی به‌رپرسی دەستەی کارگێڕی مه‌كته‌بی سیاسی پارتی دیموکراتی کوردستان و شاندی یاوەری، کە پێکهاتبوون لە، د.پشتیوان سادق و عەلی حسێن و جەعفەر ئیمنکی، سەردانی بەرەی تورکمانیان کرد و، لەلایەن ئایدن مەعروف ئەندامی مەکتەبی سیاسی و بەشێک لە ئەندامانی سەرکردایەتییان پێشوازییان لێکرا.
جێی باسە، لە میانەی سەردانەکەدا، وێڕای تاوتوێ کردنی بارودۆخی سیاسیی هەرێمی کوردستان و ناوچەکە و، پرسی هەڵبژاردنی هەرێمی کوردستان، جەختیش لە یەکڕیزی و تەبایی هێز و لایەنە سیاسییەکان و، پاراستنی مافی پێکهاتەکان کرایەوە.
