شاندی پارتی دیموکراتی کوردستان سەردانی یەکگرتووی ئیسلامی کوردستان دەکەن
هەولێر-KDP.info- شاندێکی پارتی دیموکراتی کوردستان، سەردانی یەکگرتووی ئیسلامی کوردستانیان کرد و، لەسەر چەند پرسێکی سیاسیی و هەڵبژاردنی هەرێمی کوردستان گفتوگۆیان کرد.
ئەمڕۆ هەینی، لە چوارچێوەی سەردانی هێز و لایەنە سیاسییەکان، بە سەرۆکایەتی فازڵ میرانی به‌رپرسی دەستەی کارگێڕی مه‌كته‌بی سیاسی و شاندی یاوەری، کە پێکهاتبوون لە، د.پشتیوان سادق و عەلی حسێن و جەعفەر ئیمنکی، سەردانی یەکگرتووی ئیسلامی کوردستانیان کرد و، لەلایەن مەکتەبی سیاسیی حزبەکەوە پێشوازییان لێکرا.
جێی باسە، لە میانەی سەردانەکەدا، وێڕای تاوتوێ کردنی بارودۆخی سیاسیی هەرێمی کوردستان و ناوچەکە و هەڵبژاردنی هەرێمی کوردستان، جەختیش لەسەر یەکڕیزی و تەبایی هێز و لایەنە سیاسییەکان کرایەوە.
