پەیامی پیرۆزبایی مەکتەبی سیاسیی پارتی بە بۆنەی(٣٦)ەمین ساڵوەگەڕی دامەزراندنی بزووتنەوەی ئیسلامیی کوردستان

بەڕێز مامۆستا عیرفان عەلی عەبدولعەزیز ڕابەری گشتیی بزووتنەوەی ئیسلامیی کوردستان.

بەڕێزان ئەندامانی سەرکردایەتیی بزووتنەوەی ئیسلامیی کوردستان.

بەبۆنەی (٣٦)ەمین ساڵوەگەڕی دامەزراندنی بزووتنەوەی ئیسلامیی کوردستان، پیرۆزبایی گەرممان ئاراستەی ئێوەی بەڕێز و تێکڕای کادیر و لایەنگرانی بزووتنەوەکەتان دەکەین و، ئومێدی بەردەوامی و سەرکەوتنتان بۆ دەخوازین لە کار و ئەرکەکانتاندا.
لەم بۆنەیەدا جەخت لەسەر گیانی هاریکاری و تەبایی نێوان هەردوولامان و تەواوی هێز و لایەنە سیاسییەکانی کوردستان دەکەینەوە، لە پێناو پاراستن و پێشخستنی ئەزموونی هەرێمی کوردستان و دەستەبەرکردنی ئاسوودەیی و خۆشگوزەرانی بۆ هاووڵاتییان.

پیرۆزە و هەر سەرکەوتووبن.

مەکتەبی سیاسیی
پارتی دیموکراتی کوردستان
١٤ـی٥ـی٢٠٢٣
--