پەیامی پیرۆزبایی رێزدار مسرور بارزانی بۆ ساڵیادی دەرچوونی گۆڤاری گوڵان

بەڕێزان سەرنووسەر و دەستەی نووسەران و کارمەندانی گۆڤاری گوڵان

بەبۆنەی (29)مین ساڵیادی دەرچوونی یەکەم ژمارەی گۆڤاری گوڵان، گەرمترین پیرۆزباییتان ئاراستە دەکەم و هیوای پێشکەوتن و بەردەوامیتان بۆ دەخوازم. 

گوڤاری گوڵان، وێڕای بەجێگەیاندنی پەیامە پیشەییەکەی لە بڵاوکردنەوە و گەیاندنی هەواڵ و زانیاری ڕاست و هوشیارکردنەوەی کۆمەڵگە و خزمەتکردنی زمان و کولتووری کوردی و بوونی بە سەکۆیەک بۆ گفتوگۆ و ئاڵوگۆڕکردنی بیروڕا لە نێوان نووسەران و توێژەرانی کورد و بیانی، لە هەمانکاتدا، ڕۆڵێکی گرنگ و دیاریشی هەیە لە پەرەپێدانی هزری نیشتمانپەروەری و داکۆکیکردن لە قەوارەی دەستووری هەرێم و دەسکەوتە نیشتمانییەکانی گەلی کوردستان .

دەستخۆشیتان لێ دەکەم و ئومێدی پێشڤەچوونی زیاترتان بۆ دەخوازم. 

 

مەسرور بارزانی 

جێگری سەرۆکی پارتی دیموکراتی کوردستان

22/4/ 2023