پەیاما پیرۆزباهیێ یا سەرۆکێ حکومەتا هەرێما کوردستانێ ب هەلکەفتا سەر ساڵا ئێزیدییان

ب هەلکەفتا هاتنا سەر ساڵا ئێزیدییان، پیرۆزباھییەکا گەرم ئاراستەی تەڤایا خوشک و برایێن ئێزیدی ل کوردستانێ و عێراقێ و جیهانێ دکەم، ب تایبەتی ڕێزداران میرێ ئێزدییان و بابه‌شێخ و جڤاتا ڕوحانى. هیڤیدارم د کەش و سەقایەکێ ئاشتی و تەناهی و خۆشیێ دا ڤێ جەژنێ ببوورینن.

ب ڤێ هەلکەفتێ، دوپاتییێ ل سەر گرنگییا بجهئینانا ڕێککەفتننامەیا شنگالێ و ئاساییکرنەڤا رەوشا دەڤەرا شنگالێ و دەرکەفتنا میلیشیا و گروویێن چەکدار یێن ژ یاسایێ دەرکەفتین و ڤەگەڕاندنا ئاوارەیان ب سەربلندی بۆ دەڤەرێن وان دکەینەڤە.

جارەکا دی، سەرساڵا وە پیرۆز بیت و هەر دخوەشی و ئارامیێ دا بژین.

مەسرور بارزانی
سەرۆکێ حکومەتا هەرێما کوردستانێ