هەلکولینێن شوونواری ل بەنداڤا مووسل دەستپێکرن

دهۆک-KDP.info- رێڤەبەرێ شوونواران ل پارێزگەها دهۆکێ ئاشکرا کر کو دەست ب هەلکولینێن شوونواری ل بەنداڤا مووسل هاتیەکرن، پشتی کێمبوونا ئاستێ ئاڤێ ل بەنداڤا ناڤهاتی پتری 63 جهێن شوونواری دەرکەفتینە ئەڤ جهە دێ هێنە پاراستن.

د.بێکەس بریفکانی، رێڤەبەرێ شوونواران ل پارێزگەها دهۆکێ بۆ ماڵپەرێ فەرمیێ پارتی دیموکراتی کوردستان دیار کر کو پشتی بەنداڤا مووسل هاتیە دروستکرن 160 جهێن شینواری بەرزەببوون، بەلێ پشتی کێمبوونا ئاستێ ئاڤێ ل بەنداڤا ناڤهاتی رێڤەبەریا شوونواران ل پارێزگەها دهۆکێ ب هەماهەنگی دگەل زانکۆیا پالێرمۆ یا ئیتالی دەست ب هەلکولینێن شوونواری ل هەمان بەنداڤ کریە و پتری 63 جهێن شوونواری ل ڤێ بەنداڤێ دەرکەفتینە.

ناڤهاتی ئاماژە دا وێ چەندێ کو ئەڤ کارە ب مەرەما رزگارکرنا هندەک جهێن شوونواری و دوکیومێنتکرنا وان دهێتە ئەنجامدان و دێ یێ بەردەوام بیت، ئەڤە ددەمەکی دایە کو د ئەڤ سالە دا گرێبەستا کارکرنێ ژ لایێ رێڤەبەریا گشتی یا شوونواران دگەل زانکۆیا  

پالێرمۆ و وەلاتێ ئیتالیا هاتبوو ئیمزاکرن.

 

رێوار محەمەد رەشید