سبه‌ی دەست به دابەشکردنی مووچەی مانگی 3 دەکرێت
ھەولێر-KDP.info- وەزارەتی دارایی و ئابووری حکوومەتی هەرێمی کوردستان، خشتەی دابەشكردنی مووچەی مانگی سێی بڵاو كردەوە.
ئەمڕۆ چوارشەممە، وەزارەتی دارایی و ئابووری، خشتەی دابەشكردنی مووچەی مانگی سێی بڵاو كردەوە و تێیدا ئاماژە بەوە دراوە، ڕۆژی پێنجشەممە 6/4/2023، دەست به دابەشکردنی مووچەی مانگی 3ی فەرمانبەران دەکرێت.
ئەوەش خراوەتە ڕوو، پێش جەژنی ڕەمەزان، مووچەی سەرجەم فەرمانبەران و خانەنشینان دابەش دەکرێت.
