پرسه‌نامه‌یه‌ك له سه‌رۆكى هه‌رێمى كوردستانه‌وه
ب دله‌كێ خه‌مگین مه وه‌غه‌را دویماهیێ یا تێكۆشه‌ر و پێشمه‌رگه و خه‌باتكارێ دێرینێ كوردستانێ، خودێ ژێ ڕازى مسته‌فا ئامێدى بهیست. به گه‌رمى به‌هیدارى و سه‌رساخیێ ل مالبات و كه‌سوكار و هه‌ڤاڵ و هه‌ڤسه‌نگه‌رێن وى دكه‌ین، هه‌ڤسۆز و هه‌خڤه‌مێن وانین. ژ خودێ یێ مه‌زن هیڤیخازین گیانێ وى بێخته به‌ر میهره‌بانى و دلۆڤانییا خۆ و سه‌بر و ئارامیێ بده‌ت هه‌میا.
خودێ ژێ ڕازى مسته‌فا ئامێدى، وه‌ك تێكۆشه‌ره‌ك هه‌مى ژیانا خۆ پێشكێشى گه‌ل و وڵاتێ خۆ كر و ب خه‌بات و خزمه‌تا خۆ یا مه‌زن بۆ كوردستانێ له‌سه‌رده‌مێ شۆڕه‌شێ و پێشمه‌رگاتیێ، جهه‌كێ هه‌ژى دناڤ گه‌لێ خۆدا گرتبوو. بیرهاتنا وى دێ هه‌رگاڤ ساخ و زندى بیت و گیانێ وى هه‌ر شا بیت.
نێچیرڤان بارزانى
سه‌رۆكێ هه‌رێما كوردستانێ
2023/4/3
