سێ پارکێن گشتی ل دهۆک و سێمێلێ دێ هێنە دروستکرن
دهۆک-KDP.info- مللەت عسمەت، سکرتێرێ رۆژنامەڤانی یێ پارێزگارێ دهۆکێ بۆ ماڵپەرێ فەرمیێ پارتی دیموکراتی کوردستان دیار کر کو ب مەرەما گەهاندنا خزمەتگۆزاریێن زێدەتر بۆ وەلاتیێن هەمی دەڤەرێن پارێزگەها دهۆکێ بێ جوداهی و د چوارچۆڤێ بجهئینانا وان پرۆژێن خزمەتگۆزاری دا یێن کو ل سەر دەمێ کابینا نەهێ یا حکومەتا هەرێما کوردستانێ دهێنە ئەنجامدان د.عەلی تەتەر پارێزگارێ دهۆکێ دگەل سازیێن پەیوەندیدار یێن پارێزگەها دهۆکێ دانوستاندن ل دۆر دروستکرنا سێ پارکێن گشتی ل هەر ئێک ژ قەزا دهۆک و سێمێلێ کریە و ئەڤ سازیە ڕاسپاردینە رێکارێن پێدڤی بۆ بجهئینانا پرۆژێ ڤان سێ پارکێن گشتی بهێنە ئەنجامدان.
سکرتێرێ رۆژنامەڤانی یێ پارێزگارێ دهۆکێ دیار کر کو بڕیار هاتیەدان پرۆژێ پارکا گشتی یا دهۆکێ ل ئالۆکا و پارکا گشتی د ناڤ بازاڕێ سێمێلێ دا بهێنە دروستکرن و د هەمان دەم دا پارکا گشتی ل جهێ پیشەسازیا ترۆمبێلان یا بەرێ ل باژێرێ دهۆکێ بهێتە دروستکرن و گۆت: "وەلاتی و گەشتیاردێ ژ دروستکرنا ڤان پارکان د مفاداربن، هەروەسا ئەڤ پارکە دێ بنە ئەگەرەک کو رێژا کەسکاتی ژی ل سنوورێ دەڤەرداریێن دهۆک و سێمێلێ بەر ب زێدەبوونێ ڤە بچیت".
رێوار محەمەد رەشید
