پارێزگار داخواز ژ سەرۆکێ حکومەتێ کر ئاکرێ ببیتە پایتەختێ جەژنا نەورۆزێ

دهۆک-KDP.info- مللەت عسمەت سکرتێرێ رۆژنامەڤانی یێ پارێزگارێ دهۆکێ بۆ ماڵپەرێ فەرمیێ پارتی دیموکراتی کوردستان دیار کر کو پ.د. عەلی تەتەر، پارێزگارێ دهۆکێ ئەڤرۆ رۆژا 28/3/2023 ب شێوەیەکێ فەرمی داخواز ژ "مەسرور بارزانی" سەرۆکێ حکومەتا هەرێما کوردستانێ کر کو باژێرێ ئاکرێ ژ بەر کەلتورێ وان یێ جوان د جەژنا نەورۆزێ دا و جوداهیا ئاکرێ د جەژنا ناڤهاتی دا و ئەو هژمارا زۆر یا گەشتیارێن ناڤخۆ و بیانی ببیتە پایتەختێ نەورۆزێ.

هەژی گۆتنێ یە کو قەزا ئاکرێ ئێک ژ وان قەزایێن پارێزگەها دهۆکێ یە کو تایبەتمەندیا خوە د جەژنا نەورۆزێ دا هەیە و ب تایبەتی د رۆژا هەلکرنا ئاگرێ نەورۆزێ دا و د نەورۆزا ئەڤ سالە دا پتری 100 هزار گەشتیار و سەرەدانکەران سەرەدانا قەزا ناڤهاتی کربوو.

 

رێوار محەمەد رەشید