پرسە نامەیەک لە مەکتەبی سیاسیی پارتی دیموکراتی کوردستانەوە بۆ به‌ڕێزان خانه‌واده‌ی هەڤاڵی خوالێخۆشبوو (ئازاد بابان)

ھەولێر-KDP.info- مەکتەبی سیاسیی پارتی دیموکراتی کوردستان، لە پرسەنامەیەکدا سەرەخۆشی و هاوخەمی خۆی ئاڕاستەی خانەوادەی  کادیر و تێکۆشەر و ئەندامی بەشی دیراسات و پێگەیاندنی پارتی، مامۆستا ئازاد بابان دەکات، کە کۆچی دوایی کردووە، هاوکات هیواخوازن کۆچکردوو بە بەهەشتی بەرین شاد بکات.

 دەقی پرسە نامە:

 بەناوی خوای بەخشندە و میھرەبان

 به‌ڕێزان خانه‌واده‌ی هەڤاڵی خوالێخۆشبوو (ئازاد بابان)

 بەخەم و پەژارەیەکی زۆرەوە‌ هه‌واڵی كۆچی دوایی کادیری تێکۆشەر و دڵسۆز، ئەندامی بەشی دیراسات و پێگەیاندنی پارتیمان و، کەسایەتی دیار و رۆشنبیری دەڤەری پشدەر، خوالێخۆشبوو مامۆستا (ئازاد حەمەسور قەڵادزەیی) ناسراو بە (ئازاد بابان)مان پێگەیشت.

 بە خەمناکیەوە پرسە و سه‌ره‌خۆشی ئاڕاسته‌ی خانه‌واده‌ نیشتمانپەروەرەکەتان و تەواوی خزم و دۆست و ئاشنا و هاوکارانی خوالێخۆشبوو ده‌كه‌ین و، هاوبه‌شی خه‌متانین.

 له‌ خودای گه‌وره‌ داواكارین سەبووری و ئارامی بە خانەوادە بەڕێزەکەتان و بە هەموو لایەکمان ببەخشێت و، گیانی هەڤاڵی کۆچکردوو به‌ر دلۆڤانی خۆی بخات و به‌ به‌هه‌شتی به‌رینی شاد بكات.

 

انا للە و انا الیە راجعون

مەكتەبی سیاسی

پارتی دیموكراتی كوردستان