نێچیرڤان بارزانى پێشوازى له باڵیۆزى ڕووسیا كرد
__2023_03_01_h17m20s20__ER.jpg)
ئه‌مڕۆ چوارشه‌ممه 2023/3/1 له هه‌ولێر، به‌ڕێز نێچیرڤان بارزانى، سه‌رۆكى هه‌رێمى كوردستان، له دیدارێكدا له‌گه‌ڵ به‌ڕێز ئێلبروس كوتراشێڤ باڵیۆزى ڕووسیا له عێراق و شاندێكى یاوه‌رى، دۆخى سیاسى و ئابووریى عێراق، په‌یوه‌ندییه‌كانى هه‌ولێر ـ به‌غدا و گفتوگۆى چاره‌سه‌ركردنى كیشه‌كانى نێوانیانى، تاتوێ كرد.
هه‌ردوولا ده‌رباره‌ى په‌یوه‌ندییه‌كانى ڕووسیا له‌گه‌ڵ عێراق و هه‌رێمى كوردستان و دوایین سه‌ردانى به‌ڕێز وه‌زیرى ده‌ره‌وه‌ى ڕووسیا بۆ به‌غدا، بیروڕایان گۆڕییه‌وه، هه‌روه‌ها پێشهاته‌كانى شه‌ڕ له ئۆكراینا و لێكه‌وته‌كانى و دۆخى ناوچه‌كه به‌گشتى، ته‌وه‌رێكى دیكه‌ى دیداره‌كه بوو.
سەرۆکایەتیی هەرێمی کوردستان - عێراق
