وەزارەتی سامانە سروشتییەکان: دابەشکردنی نەوت لە دەوروبەری شارەکان دەستیپێکرد
هه‌ولێر-KDP.info- وەزارەتی سامانە سروشتییەکان رایگەیاند، دابەشکردنی نەوتی سپی لە ناوچە شاخاوییەکان کۆتاییهات و لە دەوروبەری شارەکان دەستیپێکرد.
بە گوێرەی راگەیەندراوێکی وەزارەتەکە، دابەشکردنی نەوتی سپی لە ناوچە شاخاوییەکان کۆتاییهاتووە و زیاتر لە 64 ملیۆن لیتر نەوتی سپی بەسەر 321 هەزار و 138خێزان دابەشکرا.
وەزارەتەکە ئاماژەی بەوەشدا، دوای بە کۆتاییهاتنی ناوچە شاخاوییەکان، هەنگاوی دووەمی دابەشکردنی نەوتی سپی لە ناوچەکانی دەوروبەر دەستیپێکرد و تا ئێستا نزیکەی دوو ملیۆن لیتر بەسەر زیاتر لە 8 هەزار و 500 خێزاندا دابەشکراوە و پرۆسەکەش بەردەوامە.
