له‌به‌رده‌م نێچیرڤان بارزانیدا، سه‌رۆكى داواكارى گشتى سوێندى یاسایى ده‌خوات
ئه‌مڕۆ دووشه‌ممه 2023/2/13 له ڕێوڕه‌سمێكدا كه له سه‌رۆكایه‌تیى هه‌رێمى كوردستان به‌ڕێوه چوو، له‌به‌رده‌م به‌ڕێز نێچیرڤان بارزانى، سه‌رۆكى هه‌رێمى كوردستاندا و به‌پێى فه‌رمانێكى هه‌رێمى، به‌ڕێز دادوه‌ر كاوه فه‌تحى مه‌عسووم وه‌ك سه‌رۆكى داواكارى گشتى، سوێندى یاسایى خوارد.
له ڕێوڕه‌سمه‌كه‌دا كه به‌ڕێزان سه‌رۆكى ئه‌نجومه‌نى دادوه‌رى و وه‌زیرى دادى حكوومه‌تى هه‌رێمى كوردستان ئاماده‌ى بوون، سه‌رۆك نێچیرڤان بارزانى پیرۆزبایى له به‌ڕێزیان كرد و هیواى سه‌ركه‌وتنى بۆ خواست.
