كه​مپینا كۆمكرنا هاریكاریان ل پارێزگه​ها دهۆكێ ده​ست پێ كر

دهۆك -KDP.info-  ب مه​ره​ما كۆمكرنا هاریكاریان بۆ زیانڤێكه​فتیێن كاره​ساتا ئه​رد هه​ژا باكوور و رۆژئاڤایێ كوردستانێ یا كو ل رۆژێن بوورى په​یدابووى، ئه​ڤرۆ رۆژا پێنجشه​مبى 8/2/2023 پ.د.عه​لى ته​ته​ر، پارێزگارێ دهۆكێ كه​مپینا كۆمكرنا هاریكاریان بۆ زیانڤێكه​فتیێن ڤێ كاره​ساتێ ل پارێزگه​ها دهۆكێ ڕاگه​هاند و چه​ندین جهـ ژى بۆ وه​رگرتنا هاریكاریان ده​ستنیشانكرن.

پ.د.عه​لى ته​ته​ر، پارێزگارێ دهۆكێ دیار كر كو چه​ندین سازیێن میرى یێن په​یوه​ندیدارێن پارێزگه​ها دهۆكێ دێ رۆژله​كێ به​چاڤ د ڤێ كه​مپینێ دا هه​بیت و هه​ر كه​لوپه​ل پان ژى كه​ره​سته​كێ بهێته​ وه​رگرتن دێ ب پسۆله​ك راده​ستى وى كه​سى هێته​كرن یێ كو هاریكارى پێشكێشكرى، به​لێ ئه​و كه​لوپه​ل و كه​ره​ستێن د ڤێ كه​مپینێ دا دهێنه​ وه​رگرتن دڤێت د نوى بن و ب چو شێوه​یان كه​لوپه​لین كه​ڤن ناهێه​ وه​رگرتن و گۆت: "هه​كه​دشیان دابیت خه​لكێ مه​یێ پارێزگه​ها دهۆكێ بلا وان كه​لوپه​ل و كه​ره​ستان پێشكێشى ڤێ كه​مپینێ بكه​ن یێن كو ب شێوه​یه​كێ ب ساناهى بهێنه​ هه​لگرتن داكو ل ده​مێ ڤه​گوهاستنێ كارتێكرن لێ نه​هێته​كرن، داخوازێ ژ خه​لكێ پارێزگه​ها دهۆكێ دكه​م هاریكاریان پێشكێشى خه​لكێ لێقه​وماى بكه​ن و ئه​ز باوه​رم ژى خه​لكێ پارێزگه​ها دهۆكێ دێ رێژه​كا مه​زن یا هاریكاریان پێشكێشى ڤێ كه​مپینێ كه​ن، ژ به​ر كو خه​لكێ مه​حه​ز ژ مرۆڤایه​تیێ دكه​ت".

هه​ژى گۆتنێ یه​ كو كه​مپینا كۆمكرنا هاریكاریان بۆ زیانڤێكه​فتیێن كاره​ساتا ئه​رد هه​ژا باكوور و رۆژئاڤایێ كوردستانێ دێ بۆ ده​مێ پێنج رۆژان یا به​رده​وام بیت و هاریكارى دێ ل هۆلا په​روه​ردا رۆژئاڤا ل تاخێ شندوخا یێ باژێرێ دهۆكێ و ل هه​ر ئێك ژ قوتابخانا (چرا و له​پ زێرین) و هه​ر ئێك ژ مزگه​فتا (شه​هیدان و جودى و كوردستان و شێخ سه​عیدێ پیران) هێنه​ وه​رگرتن.

رێوار محه​مه​د ره​شید