دوای ناوچە شاخاوییەکان نەوت لە دەوروبەری شارەکان دابەش دەکرێت

هەولێر-KDP.info- بەڕێوەبەری سووتەمەنیی هەولێر گوتی، دوای ئەوەی حکوومەتی هەرێمی کوردستان 50 ملیۆن لیتر نەوتی لە بەغدا کڕی، دەست بە هێنانی کراوە و بڕیاریشە زیاتر ڕەوانە بکرێت و لە دەوروبەری شارەکان دەست بە دابەشکردنی نەوت دەکرێت.

ئاری کاکەشین بۆ ماڵپەڕی فەرمیی پارتی دیموکراتی کوردستان گوتی: ''حکوومەتی هەرێمی کوردستان 50 ملیۆن لیتر نەوتی لە بەغدا کڕیوە و پشکی ئێمە 16 ملیۆن لیترە و ئێستا دەست بە هاتنی نەوتەکە کراوە، بەڵام هەندێک خاوە و بڕیارە هاتنی نەوتەکە خێراتر بکرێت، بۆ ئەوەی زیاتر دابەش بکرێت بەسەر هاووڵاتییاندا.''

بەڕێوەبەری سووتەمەنیی هەولێر گوتیشی: ''ئێمە ناوچە شاخاوییەکانمان تەواو کردووە و ئێستا لە قەزای کۆیە نەوت دابەش دەکرێت و لەوێش تەواو بن دەست بە دابەشکردنی نەوت دەکرێت لە دەوروبەری شارەکان، بۆیە گەر بەشێکی باشمان بۆ بێت، کۆیەش تەواو نەکرێت، لە دەوروبەری شارەکان دەست بە دابەشکردنی نەوت دەکرێت.''

بڵند ئیبراهیم