دوو پرۆژه ل دهۆكێ هاتنه ڤه‌كرن و به‌رێ بنیاتى بۆ ژماره‌كا دى یا پرۆژان هاته دانان
دهۆك-KDP.info- سكرتێرێ رۆژنامه‌ڤانى یێ پارێزگارێ دهۆكێ دیار كر كو دبه‌رده‌وامیا وان پرۆژێن خزمه‌تگۆزارى دا یێن كو ل سه‌ر ده‌مێ كابینا نه‌هێ یا حكومه‌تا هه‌رێما كوردستانێ ل پارێزگه‌ها دهۆكێ دهێنه بجهئینان و ڤه‌كرن، پ.د.عه‌لى ته‌ته‌ر، پارێزگارێ دهۆكێ ئه‌ڤرۆ رۆژا پێنجشه‌مبى 26/1/2022 ب گوژمێ سێ ملیار و 140 ملیۆن و 274 هزار دیناران به‌رێ بنیاتى بۆ ژماره‌كا پرۆژان ل ته‌ناهیێ و شاریا دانا و د هه‌مان ده‌م دا دوو پرۆژێن نوى یێن خزمه‌تگۆزارى ژى ڤه‌كرن.
ملله‌ت عسمه‌ت، سكرتێرێ رۆژنامه‌ڤانى یێ پارێزگارێ دهۆكێ بۆ ماڵپه‌رێ فه‌رمیێ پارتى دیموكراتى كوردستان ئاشكرا كر كو كاروانێ ئاڤه‌دانیێ ل پارێزگه‌ها دهۆكێ یێ به‌رده‌وامه و ئه‌ڤرۆ ژى پارێزگارێ دهۆكێ هه‌ر ئێك ژ پرۆژێ چێكرنا تورا ئاڤێ ل كێڤلا و پرۆژێ چێكرنا رێیێن ناڤخۆ ل كومه‌لگه‌ها ته‌ناهیێ و چێكرن و قێركرنا سایده‌كى ژ جادا 30 مه‌ترى ب درێژاهیا 425 مه‌تران ل سنوورێ باژێرڤانیا ته‌ناهیێ و پرۆژێ قێركرنا رێیێن ناڤخۆ دگه‌ل چێكرنا سۆلینێن ئاڤرێژ ل شاریا ڤه‌كرن.
ناڤهاتى خویا كر كو د هه‌مان ده‌م دا پارێزگارێ دهۆكێ به‌رێ بنیاتى بۆ پرۆژێ چێكرنا رێیێن ناڤخۆ یێن ته‌ناهیێ و پرۆژێ چێكرنا رێیێن ناڤخۆ ل كومه‌لگه‌ها دومیز تاخێ دار قه‌سپ و پرۆژێ چێكرنا رێ و سۆلینیان ل شاریا دانا.
رێوار محه‌مه‌د ره‌شید
