ب گوژمێ پتری 20 ملیار دیناران پرۆژە ل دهۆکێ و زاخۆ دێ هێنە بجهئینان
دهۆک-KDP.info-سکرتێرێ رۆژنامەڤانی یێ پارێزگارێ دهۆکێ دیار کر کو پ.د.عەلی تەتەر، پارێزگارێ دهۆکێ ئەڤرۆ رۆژا سێشەمبی 24/1/2023 ب گوژمێ پتری سێ ملیار دیناران بەرێ بنیاتی بۆ ژمارەکا پرۆژان ل سەنتەرێ باژێڕێ دهۆکێ و ناحیا زاویتە و کومەلگەها باگێرا دانا، د هەمان دەم دا ئیدارا سەربەخۆ یا زاخۆ ژی ڕاگەهاند کو ب گوژمێ پتری 17 ملیار دیناران دێ پرۆژێن نوی یێن خزمەتگۆزاری ل سنوورێ ئیدارا ناڤهاتی هێنە بجهئینان.
مللەت عسمەت، سکرتێرێ رۆژنامەڤانی یێ پارێزگارێ دهۆکێ بۆ ماڵپەڕێ فەرمیێ پارتی دیموکراتی کوردستان ئاشکرا کر کو د بەردەوامیا بجهئینانا پرۆژێن نوی یێن خزمەتگۆزاری دا یێن کو ل دەڤەرێن جودا جودا یێن پارێزگەها دهۆکێ دهێنە بجهئینان ئەڤرۆ پارێزگارێ دهۆکێ بەرێ بنیاتی ب گوژمێ سێ ملیار و 334 ملیۆن و 123 هزار دیناران بۆ ژمارەکا پرۆژان سەنتەرێ باژێڕێ دهۆکێ و ناحیا زاویتە و کومەلگەها باگێرا دانا، ژ وان پرۆژان یێن کو ئەڤرۆ بەرێ بنیاتی بۆ هاتیە دانان پرۆژێ چێکرنا چەندین سۆلینان ل سەنتەرێ قەزا دهۆکێ، هەروەسا پرۆژێ چێکرن وسەخبێرکرنا رێیێن ناڤخۆ دگەل چێکرنا سۆلینان ل ناحیا زاویتە یا سەر ب قەزا دهۆکێ ڤە و گۆت: "د هەمان دەم دا پارێزگارێ دهۆکێ بەرێ بنیاتی بۆ پرۆژێ چێکرن و سەخبێرکرنا رێیێن ناڤخۆ ل کورا و باگێرا و مانگێشکێ و چێکرنا پارکەکێ ل زاویتە دانا".
ژ ئالیێ خوەڤە ئیدارا سەربەخۆ یا زاخۆ ڕاگەهاند کو ل سەر ڕاسپاردا سەرۆکێ حکومەتا هەرێما کوردستانێ دێ ژمارەکا پرۆژێن نوی یێن خزمەتگۆزاری ب گوژمێ 17 ملیار و 158 ملیون دیناران ل هەر ئێک ژ قەزا زاخۆ و باتیفا هێنە بجهئینان.
رێوار محەمەد رەشید
