رێڤەبەرێ دروستکرنا دان و دکاکان ل دهۆکێ هاتە گوهۆڕین

دهۆک-KDP.info- د چارچۆڤێ گوهۆرینێن بەردەوامێن کارگێری دا یێن کو ل سنوورێ پارێزگەها دهۆکێ دهێنە ئەنجامدان ئەڤرۆ رۆژا سێشەمبی 24/1/2023 د رێورەسمەکی دا ب ئامادەبوونا هەر ئێک ژ (شمعون شلیمون) جێگرێ پارێزگارێ دهۆکێ و (نەوزاد کامل) رێڤەبەرێ گشتی یێ بازرگانی ل وه‌زاره‌تا بازرگانی و پیشه‌سازی یا حكومه‌تا هه‌رێما كوردستانێ، رێڤەبەرێ دروستکرنا دان و دکاکان ل پارێزگەها دهۆکێ هاتە گوهۆڕین.

شمعون شلیمون، جێگرێ پارێزگارێ دهۆکێ بۆ ماڵپەرێ فەرمیێ پارتی دیموکراتی کوردستان دیار کر کو گوهۆڕین د هەر پلە پوستەکێ کارگێری دا ب مەرەما پێشڤەبرنا کاری کارەکێ ئاسایی یە، ژ بەر ڤێ چەندێ ژی ئەڤرۆ د رێورەسمەکی دا (سەفین تەحسین محەمەد) وەکو رێڤەبەرێ نوی یێ رێڤەبەریا دروستکرنا دان و دکاکان ل پارێزگەها دهۆکێ ل جهێ (نه‌جم عه‌بدوللا) دەست بکاربوو و گۆت: "دەستخوشیێ و سوپاسیا رێڤەبەرێ بەرێ یێ رێڤەبەریا دروستکرنا دان و دکاکان ل پارێزگەها دهۆکێ دکەین بۆ وێ خزمەتا وی ل دەمێ بوری پێشکێشکری و پیرۆزباهیێ ژی ل رێڤەبەرێ نوی یێ رێڤەبەریا ناڤهاتی دکەین و ئەم سوزێ ددەین وەکو کارگێریا پارێزگەها دهۆکێ د هەڤکار و پشتەڤان بین بۆ رێڤەبەرێ نوی بۆ وێ چەندێ خزمەتا وەلاتیان ب باشترین شێوە بهێتەکرن".

رێوار محەمەد رەشید