هەفتە بازارەک بۆ فرۆتنا بەرهەمێ خۆمالی دهێتە دروستکرن

دهۆک -KDP.info- ب مەرەما پشتەڤانیا جۆتیاران رێڤەبەریا گشتی یا چاندنێ ل پارێزگەها دهۆکێ ب هەماهەنگی دگەل رێکخراوا IOLدەست ب دروستکرنا هەفتە بازارەکی بۆ فرۆتنا بەرهەمێ خۆمالی یێ جۆتیاران ل قەزا ئامێدیێ کریە.

ئەحمەد جەمیل، رێڤەبەرێ گشتی یێ چاندنێ ل پارێزگەها دهۆکێ بۆ ماڵپەرێ فەرمیێ پارتی دیموکراتی کوردستان دیار کر کو ل دووڤ کارناما کابینا نەهێ یا حکومەتا هەرێما کوردستانێ بۆ وێ پشتەڤانی و گرنگیا ب کەرتێ چاندنێ ددەت، رێڤەبەریا وان ب هەماهەنگی دگەل رێکخراوا IOLدەست ب دروستکرنا هەفتە بازارەکێ سەردەمانە ل نێزیک هۆبا چاندنێ ل ناحیا سەرسنکێ یا سەر ب قەزا ئامێدیێ ڤە کریە، ژپێخەمەت ساخکرنا بەرهەمێ خۆمالیێ جۆتیارێن دەڤەرێ و دابینکرنا بەشەکێ پێدڤیێن وەلاتیان ب بەرهەمێ ناڤخۆ و گۆت: "ئەڤ هەفتە بازارە ل دەمەکێ نێزیک دێ ب دووماهی هێت و کەڤیتە د خزمەتا جۆتیاران و خەلکێ دەڤەرێ دا و سەرەرایی ڤێ چەندێ چەندین دەلیڤێن کاری ژی ل ڤی بازاری بۆ خەلکێ دەڤەرێ دێ هێنە رەخساندن".

ناڤهاتی ئاماژە دا وێ چەندێ کو بڕیارە ل دەمەکێ نێزیک هەفتە بازارێن ب ڤی شێوەیی ل چەندین قەزا و ناحیێن دی یێن سەر ب پارێزگەها دهۆکێ ڤە بۆ خزمەتکرنا جۆتیاران بهێنە دروستکرن و گۆت: "ژ بلی خزمەتکرنا بەردەوام یا جۆتیارێن دەڤەرێن جوداجودا یێن پارێزگەها دهۆکێ نوکە رێڤەبەریا گشتی یا چاندنێ ل پارێزگەها دهۆکێ یا بەردەوامە ل سەر ڤەکرنا خۆلێن پێشڤەبرنا شیانێن دەرچوویێن کولیژێن چاندن و ڤێتەرنەریێ یێن کو فۆرما پەیداکرنا دەلیڤێن کاری ل پارێزگەها دهۆکێ پرکرین".

رێوار محەمەد رەشید