د.عەلی تەتەر: لایەنێن پەیوەندیدارێن هەردوو وەلاتان بۆ دیڤچوونا رۆیدانێ دێ ب رێکارێن یاسایی رابن
دهۆك-KDP.info- شڤێدی ل باژێرێ نسێبینێ ل وەلاتێ تورکیا تەقە ل پێنچ هاولاتیێن پارێزگەها دهۆکێ هاتیەکرن و د ئەنجامدا چوار ژوان بووینە قوربانی و ئێک ژێ یێ بریندارە.
د.عەلی تەتەر پارێزگارێ دهۆکێ ڕاگه‌هاند " ب مخابنیڤە پێنچ هاولاتیێن پارێزگەها دهۆکێ شڤێدی ل باژێرێ نسێبینێ ل وەلاتێ تورکیا تەقە لێ هاتیەکرن و د ئەنجامدا چوار ژوان بووینە قوربانی و ئێک ژێ یێ بریندارە، ڤێ رۆیدانا دلتەزین پرۆتەستو و شەرمزاردکەین، هەروەسا بۆ ڤێ رویدانا دلتەزین پرسە و سەرەخۆشیێ ئاراستەیی هەردوو بنەمالان و کەسوکارێن خودێژێرازی”حەجی عەبدولا رێکانی” کو ئەو و هەڤژین و کچا وی دڤێ رۆیدانا دلتەزین دا بووینە قوربانی، هەروەسا خێزانا خودێ ژێ رازی “سەید جەلالەدین رێکانی”، دەیکا مەلا ئەحمەد رێکانی ئێک ژ قۆربانیێن رۆیدانا دلتەزینە و مەلا ئەحمەد ژی بریندارە سەرەخوشیێ دووبارە ل کەسوکارێن وان دکەین و هیڤیا زوی چاکبوون و سلامەتیێ بۆ مامۆستایی دخازین و دیسان رادگەهینین لایەنێن پەیوەندیدارێن هەردوو وەلاتان بۆ دیڤچوونا رۆیدانێ ب رێکارێن یاسایی دێ رابن".
