نێچیرڤان بارزانى، پێشوازى له د. فه‌ریاد فازیڵ عومه‌ر ده‌كات
ئه‌مڕۆ دووشه‌ممه 2023/1/16 به‌ڕێز نێچیرڤان بارزانى، سه‌رۆكى هه‌رێمى كوردستان، پێشوازى له به‌ڕێز د. فه‌ریاد فازیڵ عومه‌ر، سه‌رۆكى ئینستیتووتی خوێندنی كوردیی بەرلین كرد كه كۆتاییى ساڵى ڕابردوو، خەڵاتی لێهاتووییی سەرکۆماری ئەڵمانیاى پێ به‌خشراوه.
سه‌رۆك نێچیرڤان بارزانى، وێڕاى پیرۆزبایى له د. فه‌ریاد فازیڵ عومه‌ر، دووپاتى كرده‌وه به ڕێز و پێزانینه‌وه له ڕه‌نج و خزمه‌تى ئه‌و كوردانه‌ى هه‌نده‌ران ده‌ڕوانن كه له هه‌ر بوارێكدا بێت، جێپه‌نجه‌یان دیاره و مایه‌ى شانازیى كوردستانن. هه‌روه‌ها خزمه‌تى به‌ڕێزیانى له بوارى ئه‌كادیمى و زمان و ئه‌ده‌ب و كولتوورى كوردیدا به‌زر نرخاند و هیواى سه‌ركه‌وتنى بۆ خواست.
لاى خۆیه‌وه به‌ڕێز د. فه‌ریاد فازیڵ عومه‌ر، خۆشحاڵى و پێزانینى بۆ پێشوازى و دیدارى سه‌رۆك نێچیرڤان بارزانى ده‌ربڕى و جه‌ختى له به‌رده‌وامى له‌سه‌ر كار و خزمه‌تى ئه‌كادیمى و بره‌ودان به زمان و كولتوورى كوردى كرده‌وه.
