نێچیرڤان بارزانى له‌سه‌ر بانگهێشتى فه‌رمیى میرى ‏قه‌ته‌ر سەردانی قەتەر دەکات

ھەولێر-KDP.info- نێچیرڤان بارزانى، سه‌رۆكى هه‌رێمى ‏كوردستان سەردانی قەتەر دەکات و ئامادەی یاریى كۆتاییى جامى جیهانیى ‏تۆپى پێ ده‌بێت.

سەرۆکایەتی هەرێمی کوردستان بڵاویکردەوە، ئه‌مڕۆ یه‌كشه‌ممه‌ 2022/12/18 نێچیرڤان بارزانى، سه‌رۆكى هه‌رێمى ‏كوردستان، له‌سه‌ر بانگهێشتى فه‌رمیى شێخ ته‌میم بن حه‌مه‌د ئال سانى، میرى ‏قه‌ته‌ر ده‌گاته‌ ده‌وحه‌ى پایته‌خت.‏

له‌م سه‌ردانه‌یدا سه‌رۆكى هه‌رێمى كوردستان له‌ ته‌ك ژماره‌یه‌كى به‌رچاوى ‏سه‌ركرده‌ى وڵاتانى جیهان، ئاماده‌ى به‌ڕێوه‌چوونى یاریى كۆتاییى جامى جیهانیى ‏تۆپى پێ ده‌بێت.‏