پرسه‌نامه‌یه‌ك له سه‌رۆكى هه‌رێمى كوردستانه‌وه
پرسه و سه‌ره‌خۆشیى قووڵم ئاراسته‌ى خانه‌واده و كه‌سوكار و هاوسه‌نگه‌ران و هاوڕێیانى خوالێخۆشبوو شه‌هید ئاكام عومه‌ر فه‌رمانده‌ى هێزه‌كانى كۆماندۆ ده‌كه‌م كه دواى برینێكى سه‌خت و مانه‌وه‌ى مانگێك و سێ هه‌فته له‌ژێر چاودێریى پزیشكیدا، به‌داخه‌وه ئه‌مڕۆ گیانى له‌ده‌ستدا.
هاوخه‌م و هاوسۆزیانم و له خواى مه‌زن داواكارم گیانى به به‌زه‌یى و میهره‌بانیى خۆى شاد بكات و دڵنه‌وایى و ئارامى به خانه‌واده و كه‌سوكار و هاوسه‌نگه‌ران و هاوڕێیان و هه‌مووان ببه‌خشێت.
نێچیرڤان بارزانى
سه‌رۆكى هه‌رێمى كوردستان
2022/12/12
